ប៉ាឡេស្ទីន ស្វាគមន៍ការអនុម័តរបស់អង្គការសហប្រជាជាតិ លើសេចក្តីប្រកាសញូវយ៉ក ស្តីពីដំណោះស្រាយរដ្ឋពីរ
រ៉ាម៉ាឡា៖ ប៉ាឡេស្ទីន បានស្វាគមន៍ការបោះឆ្នោតដោយមហាសន្និបាតអង្គការសហប្រជាជាតិដើម្បី “អនុម័ត” សេចក្តីប្រកាសញូវយ៉កដោយពណ៌នាថា វាជាលទ្ធផលសំខាន់នៃសន្និសីទអង្គការសហប្រជាជាតិ ស្តីពីដំណោះស្រាយសន្តិភាពនៃសំណួរប៉ាឡេស្ទីន និងការអនុវត្តដំណោះស្រាយរដ្ឋពីរ។
នៅក្នុងសេចក្តីថ្លែងការណ៍មួយ ក្រសួងការបរទេសប៉ាឡេស្ទីនបានឧ្យថឹងថា ប្រទេសចំនួន ១៤២ បានបោះឆ្នោតគាំទ្រដំណោះស្រាយនេះ ខណៈដែល ១២អនុប្បវាទ និង ១០បានបោះឆ្នោតប្រឆាំង។
ក្រសួងបានសរសើរជំហររបស់ប្រទេស ដែលបានគាំទ្រ គាំទ្រ និងបោះឆ្នោតគាំទ្រដំណោះស្រាយនេះ។
ក្រសួងបានជំរុញឱ្យរដ្ឋសមាជិកអង្គការសហប្រជាជាតិអនុវត្តលទ្ធផលនៃសន្និសីទអន្តរជាតិទាក់ទងនឹងដំណោះស្រាយរដ្ឋទាំងពីរ និងដាក់សម្ពាធលើអ៊ីស្រាអែលឱ្យបញ្ឈប់ប្រតិបត្តិការយោធា យល់ព្រមលើបទឈប់បាញ់ បញ្ចប់ការប្រើប្រាស់ភាពអត់ឃ្លាន “ជាអាវុធនៃសង្គ្រាម” ការពារការផ្លាស់ទីលំនៅដោយបង្ខំ និងដោះលែងអ្នកទោស និងចំណាប់ខ្មាំង។
នៅក្នុងសេចក្តីថ្លែងការណ៍មួយនៅលើវេទិកាប្រព័ន្ធផ្សព្វផ្សាយសង្គម X អនុប្រធានាធិបតីប៉ាឡេស្ទីនលោក Hussein al-Sheikh បានឧ្យដឹងថា ការសម្រេចចិត្តរបស់មហាសន្និបាតអង្គការសហប្រជាជាតិ ឆ្លុះបញ្ចាំងពីឆន្ទៈអន្តរជាតិក្នុងការគាំទ្រសិទ្ធិរបស់ប្រជាជនប៉ាឡេស្ទីន៕
ប្រែសម្រួល ឈូក បូរ៉ា
