Update: លោកស្រី ផែតងតាន ដាក់លុយ ១៥.០០០បាត សម្រាប់លោកថាក់ស៊ីន ចំណាយនៅក្នុងពន្ធនាគារ
បរទេស៖ កាលពីព្រឹកថ្ងៃទី១៨ ខែកញ្ញា នៅពន្ធនាគារ Klong Prem ក្រុងបាងកក អ្នកយកព័ត៌មានបានប្រមូលផ្តុំគ្នានៅមុខពន្ធនាគារ និងមជ្ឈមណ្ឌលសេវាអ្នកទស្សនា។ ថ្ងៃនេះជាការទៅជួបគ្រួសារលើកទីពីរ សម្រាប់អ្នកទោសថាក់ស៊ីន ស៊ីណាវ៉ាត្រា។
យោងតាមសារព័ត៌មាន Khaosod English ចេញផ្សាយនៅថ្ងៃទី១៨ ខែកញ្ញា ឆ្នាំ២០២៥ បានឱ្យដឹងថា អ្នកសារព័ត៌មានជាច្រើនបាននៅដើម្បីរាយការណ៍អំពីស្ថានភាពនេះ ខណៈដែលមានការរាយការណ៍ថា លោកស្រី ផែតងតាន ស៊ីណាវ៉ាត្រា ឬ “អ៊ីង” កូនស្រីពៅរបស់លោក ថាក់ស៊ីន និងប្តី , លោកស្រី Pintongta Shinawatra Kunakornwong ឬ “Aim” កូនស្រីកណ្តាល និងប្តីរបស់គាត់ បានទៅមើលលោក ថាក់ស៊ីន នៅពន្ធនាគារ ។
លោក Winyat Chartmontri មេធាវីរបស់លោកថាក់ស៊ីន ស៊ីណាវ៉ាត្រា រួមជាមួយនឹងក្រុមរបស់គាត់ បានចូលទៅក្នុងអគារសួរសុខ ទុក្ខអ្នកទោសនៅពន្ធនាគារ Klong Prem ដើម្បីសម្របសម្រួលការសួរសុខទុក្ខ។ ជាមួយគ្នានេះ លោក Kanokwan Jiwcheupun អភិបាល នៃពន្ធនាគារខេត្ត Nonthaburi និងជាអ្នកនាំពាក្យរង នៃនាយកដ្ឋានកែប្រែបានបង្ហើបថា ផែនការថ្ងៃនេះរួមមានការជួបលោក ថាក់ស៊ីន ជាមួយគ្រូពេទ្យចិត្តសាស្រ្ត ដែលជានីតិវិធីពិនិត្យសុខភាពតាមស្តង់ដារ ។ ទម្លាប់ប្រចាំថ្ងៃរបស់គាត់ជាចម្បង។
សម្រាប់អាហារពេលព្រឹក លោក ថាក់ស៊ីន បន្តហូបដែលស៊ុតស្ងោរ ។ នៅពេលថ្ងៃ គាត់ធ្វើសកម្មភាពដូចជា អានសៀវភៅ មើលទូរទស្សន៍ និងធ្វើលំហាត់ប្រាណ យោលដៃជាដើម។
គ្រួសាររបស់លោក ថាក់ស៊ីន បានដាក់ប្រាក់ សម្រាប់ការចំណាយនៅក្នុង ពន្ធនាគារស្របតាមបទប្បញ្ញត្តិរហូតដល់ ១៥.០០០ បាត។ គាត់អាចចំណាយ មិនលើសពី ៥០០ បាតក្នុងមួយថ្ងៃ ហើយភាគច្រើនប្រើ វាដើម្បីទិញ ម្ហូបអាហារតិចតួច។
ប្រែសម្រួលៈ ណៃ តុលា
