លោក ដូណាល់ ត្រាំ ជំរុញឧ្យរុស្ស៊ី និងអ៊ុយក្រែន ធ្វេីកិច្ចព្រមព្រៀងដេីម្បីបញ្ចប់ជម្លោះរ៉ាំរ៉ៃ
វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានជំរុញឱ្យរុស្ស៊ី និងអ៊ុយក្រែន ធ្វេីកិច្ចព្រមព្រៀងមួយ ដើម្បីបញ្ចប់ជម្លោះរបស់ពួកគេ ដែលអូសបន្លាយជាងបីឆ្នាំកន្លះមកនេះ។
ភ្លាមៗបន្ទាប់ពីបានជួបជាមួយប្រធានាធិបតីអ៊ុយក្រែនលោក វូឡូឌីមៀ ហ្សេឡិនស្គី នៅសេតវិមានកាលពីថ្ងៃសុក្រ លោក ត្រាំ បានឧ្យដឹងនៅលើប្រព័ន្ធផ្សព្វផ្សាយសង្គមថាលោក “ស្នើយ៉ាងខ្លាំង” ឱ្យរុស្ស៊ី និងអ៊ុយក្រែនធ្វើកិច្ចព្រមព្រៀងមួយ និងបញ្ឈប់ជម្លោះ។
លោកត្រាំ បានលេីកឡេីងនៅលើបណ្ដាញ Truth Social ថា “ដល់ពេលត្រូវបញ្ឈប់ការសម្លាប់ ហើយធ្វើកិច្ចព្រមព្រៀងហេីយ។ “ឈាមគ្រប់គ្រាន់ត្រូវបានបង្ហូរ ដោយបន្ទាត់ទ្រព្យសម្បត្តិត្រូវបានកំណត់ដោយសង្គ្រាម” ។
“ពួកគេគួរតែឈប់នៅកន្លែងដែលពួកគេនៅ។ ទុកឱ្យទាំងពីរទាមទារជ័យជំនះ ទុកឱ្យប្រវត្តិសាស្ត្រជាអ្នកសម្រេច!”។
មុនពេលជួបជាមួយលោក ហ្សេឡិនស្គី ដែលលោកបានពិពណ៌នាថាជា “ការគួរឱ្យចាប់អារម្មណ៍ និងស្និទ្ធស្នាល” លោក ត្រាំ បានច្រានចោលកិច្ចប្រជុំកំពូលរវាងសហរដ្ឋអាមេរិក-រុស្ស៊ី-អ៊ុយក្រែននាពេលខាងមុខ ហើយបានបដិសេធការរំពឹងទុកនៃការផ្គត់ផ្គង់មីស៊ីល Tomahawk ដល់ទីក្រុងគៀវ។
មួយថ្ងៃមុននេះ លោក ត្រាំ បានសន្ទនាតាមទូរស័ព្ទយ៉ាងយូរជាមួយលោកប្រធានាធិបតីរុស្ស៊ី វ្លាឌីមៀ ពូទីន ដោយពណ៌នាថាវាមានផលិតភាពខ្លាំងណាស់។
បន្ទាប់ពីការសន្ទនាតាមទូរស័ព្ទ លោក ត្រាំ បានប្រកាសថា លោកនឹងជួបជាមួយលោក ពូទីន នៅក្នុងប្រទេសហុងគ្រី សម្រាប់កិច្ចពិភាក្សាបន្ថែមទៀតស្តីពីការបញ្ចប់ជម្លោះរុស្ស៊ី និងអ៊ុយក្រែន៕
ប្រែសម្រួល ឈូក បូរ៉ា
