រដ្ឋសមាជិកមួយរបស់ណាតូ គម្រាមបិទព្រំដែន ជាមួយនឹងប្រទេសបេឡារូស
បរទេស៖ យោងតាមការចេញផ្សាយរបស់ RT ដែលបានដកស្រង់ព័ត៌មានចេញពីវិទ្យុជាតិលីទុយអានី (LRT) បានរាយការណ៍កាលពីថ្ងៃពុធថា នាយករដ្ឋមន្ត្រីលីទុយអានីលោកស្រី Inga Ruginiene បានគំរាមបិទព្រំដែនជាមួយប្រទេសបេឡារុស្សដែលជាប្រទេសនៅជិតខាងគ្នា។
លោកស្រីបានថ្លែងថា វិធានការនេះនឹងជាការឆ្លើយតបទៅនឹងលំហូរនៃបាឡុងហោះដែលដឹកបារីខុសច្បាប់ឆ្លងកាត់ព្រំដែននេះបើតាមការផ្សព្វផ្សាយសាធារណៈ។
លោកស្រី Ruginiene បានប្រាប់អ្នកកាសែតកាលពីថ្ងៃពុធទៀតថា៖ប្រសិនបើបាឡុងបែបនេះឆ្លងកាត់ព្រំដែនរបស់យើងម្តងទៀត យើងនឹងប្រតិកម្មភ្លាមៗ ហើយបិទព្រំដែនជាមួយប្រទេសបេឡារុស្សតែម្តង។
លោកស្រីក៏ត្រូវបានគេរាយការណ៍ថាបានសម្តែងការសង្ស័យនិងបញ្ជាក់ថារដ្ឋាភិបាលទីក្រុង Vilnius អាចអង្គុយជាមួយប្រទេសអ្នកជិតខាងនេះហើយឈានដល់កិច្ចព្រមព្រៀងលើអ្វីទាំងអស់ ។
លោកស្រីនាយករដ្ឋមន្ត្រីក៏បានបន្ថែមដែរថា៖បច្ចុប្បន្នមិនមានព័ត៌មានណាមួយដែលថានឹងមានប្រតិបត្តិការសម្របសម្រួលដោយ ប្រធានាធិបតីបេឡារុស Alexander Lukashenko នៅឡើយទេ។ ដូចនេះវាគឺជាសកម្មភាពការរត់ពន្ធបារីខុសច្បាប់៕
ប្រែសម្រួល៖ស៊ុនលី
