ការវាយប្រហាររបស់អាមេរិក ចុងក្រោយនៅតំបន់ប៉ាស៊ីហ្វិកខាងកើតសម្លាប់មនុស្ស ៣នាក់
បរទេស៖ ទីភ្នាក់ងារចិនស៊ិនហួចេញផ្សាយនៅថ្ងៃនេះ បានឲ្យដឹងថារដ្ឋមន្ត្រីការពារជាតិអាមេរិក លោក Pete Hegseth បាននិយាយកាលពីយប់ថ្ងៃពុធថា យោធាសហរដ្ឋអាមេរិកបានវាយប្រហារលើនាវា ដែលសង្ស័យជួញដូរគ្រឿងញៀនមួយបន្ថែមទៀតនៅក្នុងដែនទឹកអន្តរជាតិនៅភាគខាងកើតប៉ាស៊ីហ្វិក ដោយបានសម្លាប់មនុស្សទាំង៣នាក់នៅលើនាវា។
លោកHegseth បានចោទប្រកាន់ម្តងទៀតថា នាវាទាំងនោះគឺជាអ្នកដឹកគ្រឿងញៀនដោយនិយាយថា ខ្លួនកំពុងធ្វើដំណើរតាមផ្លូវឆ្លងកាត់ការជួញដូរគ្រឿងញៀន ដែលគ្រប់គ្នាតែងតែទទួលស្គាល់។
លោកបាននិយាយថា៖ការវាយប្រហារ កូដកម្មទាំងនេះនឹងបន្តពីមួយថ្ងៃទៅមួយថ្ងៃ។ ទាំងនេះមិនមែនគ្រាន់តែគោលដៅទៅលើអ្នករត់ការគ្រឿងញៀនទេពីព្រោះថាពួកគេក៏ជាភេរវករ គ្រឿងញៀនដែលនាំមកនូវការស្លាប់ និងការបំផ្លិចបំផ្លាញដល់ទីក្រុងរបស់យើងផងដែរ។ យើងនឹងបន្តស្វែងរកពួកគេ ហើយសម្លាប់ពួកគេរហូតដល់ការ គំរាមកំហែងដល់ប្រជាជនអាមេរិកត្រូវបានថយចុះ ។
ជាការឆ្លើយតបប្រធានាធិបតីកូឡុំប៊ីលោក Gustavo Petro បានថ្កោលទោសការវាយប្រហារ របស់សហរដ្ឋអាមេរិកថាជាអំពើឃាតកម្ម។
លោកPetro បានសរសេរនៅលើបណ្តាញសង្គម X ថា៖ការវាយប្រហារលើទូកមួយផ្សេងទៀតនៅប៉ាស៊ីហ្វិក យើងមិនដឹងថាវាជានាវារបស់ប្រទេសអេក្វាឌ័រ ឬកូឡុំប៊ីនោះទេប៉ុន្តែវាបានធ្វើឱ្យមនុស្សមួយចំនួនស្លាប់។ដូច្នេះវាគឺជាករណីឃាតកម្ម។ មិនថានៅការាបៀន ឬប៉ាស៊ីហ្វិក យុទ្ធសាស្ត្ររបស់រដ្ឋាភិបាលសហរដ្ឋអាមេរិក បានរំលោភលើបទដ្ឋាននៃច្បាប់អន្តរជាតិទាំងស្រុងនៅពេលនេះ៕
ប្រែសម្រួល៖ ស៊ុន លី
