ជនសង្ស័យ ជាអ្នកធ្វើការបោកប្រាស់ ជាង ១០០០នាក់ រត់គេចពីមីយ៉ាន់ម៉ា ឆ្លងដែនចូលប្រទេសថៃ
By
Posted on
បរទេស ៖ ជនបរទេសជាងមួយពាន់នាក់ ដែលសង្ស័យថា ធ្វើការជាអ្នកបោកប្រាស់ បានរត់គេចខ្លួនឆ្លងកាត់ព្រំដែនពី KK park ក្នុងទីក្រុង Myawaddy រដ្ឋ Karen ប្រទេសមីយ៉ាន់ម៉ា បន្ទាប់ពីការវាយឆ្មក់ ដ៏សំខាន់មួយកាលពីថ្ងៃចន្ទ។
យោងតាមសារព័ត៌មាន Khaosod ចេញផ្សាយនៅថ្ងៃទី២៤ ខែតុលា ឆ្នាំ២០២៥ បានឲ្យដឹងថា គិតត្រឹមព្រឹកនេះ មនុស្សចំនួន ១០៤៩នាក់ បានឆ្លងដែនចូលទៅក្នុងស្រុក Mae Sot ខេត្ត Tak ប្រទេសថៃ ដោយចំនួននៅតែបន្តកើនឡើងជារៀងរាល់ម៉ោង។
ក្នុងចំណោមអ្នករត់គេចខ្លួនទាំងនោះ ជនជាតិឥណ្ឌាបង្កើតបានជាក្រុមធំជាងគេ ដែលមានមនុស្ស ៣៩៩នាក់ បន្ទាប់មកជនជាតិចិន ១៤៧នាក់។ អ្នកដែលបានជម្លៀសចេញក៏រួមមានជនជាតិវៀតណាម ហ្វីលីពីន អេត្យូពី ប៉ាគីស្ថាន ឥណ្ឌូនេស៊ី នេប៉ាល់ និងពលរដ្ឋមកពីប្រទេសផ្សេងៗជុំវិញពិភពលោក រួមទាំងជនជាតិថៃ ៣១នាក់ផងដែរ ។
ប្រែសម្រួល: ណៃ តុលា
