ចិន ជំរុញឱ្យហ្វីលីពីន បញ្ឈប់ការញុះញង់ លើបញ្ហាសមុទ្រចិនខាងត្បូង
ប៉េកាំង៖ អ្នកនាំពាក្យយោធាចិន បានជំរុញឱ្យប្រទេសហ្វីលីពីន បញ្ឈប់ការរំលោភបំពាន ការញុះញង់ និងការឃោសនារបស់ខ្លួនជុំវិញ បញ្ហានៅសមុទ្រចិនខាងត្បូង នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោក Jiang Bin អ្នកនាំពាក្យក្រសួងការពារជាតិចិន បានធ្វើការ កត់សម្គាល់នេះ ដើម្បីឆ្លើយតបទៅនឹងការសាកសួរ របស់ប្រព័ន្ធផ្សព្វផ្សាយទាក់ទងនឹង សមយុទ្ធយោធារួមគ្នាថ្មីៗនេះ ដែលធ្វើឡើងដោយប្រទេសហ្វីលីពីន និងដៃគូក្រៅតំបន់នៅសមុទ្រចិនខាងត្បូង។
អ្នកនាំពាក្យរូបនេះបានឲ្យដឹងថា កិច្ចសហប្រតិបត្តិការការពារជាតិ និងសន្តិសុខ រវាងប្រទេសពាក់ព័ន្ធមិនគួរកំណត់គោលដៅ ឬប៉ះពាល់ដល់ផលប្រយោជន៍ របស់ភាគីទីបី ឬធ្វើឱ្យប៉ះពាល់ដល់សន្តិភាព និងស្ថិរភាពក្នុងតំបន់នោះទេ ។
លោកបានកត់សម្គាល់ថា មូលហេតុចម្បងនៃភាពតានតឹងនៅសមុទ្រចិនខាងត្បូង គឺថាភាគីហ្វីលីពីនតែងតែទាក់ទាញកម្លាំងខាងក្រៅ ដើម្បីធ្វើការរំលោភ និងការញុះញង់។
ដោយកត់សម្គាល់ថាបរិបទប្រវត្តិសាស្ត្រ និងសិទ្ធិ និងកំហុសនៃបញ្ហាសមុទ្រចិនខាងត្បូងគឺច្បាស់លាស់ លោកបានលើកឡើងថា ប្រទេសចិនបដិសេធការចោទប្រកាន់ណាមួយ ដែលគ្មានមូលដ្ឋាន ដែលផ្សព្វផ្សាយនិទានកថាមិនពិត និងបង្ខូចការពិតផ្នែកច្បាប់៕
