កូរ៉េខាងជើង ធ្វើការតាំងបង្ហាញនាវាមុជទឹក ដើរដោយថាមពលនុយក្លេអ៊ែររបស់ខ្លួន ជាលើកដំបូង
បរទេស៖ យោងតាមការចេញផ្សាយរបស់ RT ក្រុងព្យុងយ៉ាងបានចែករំលែករូបភាពថ្មីនៃ នាវាមុជទឹកជាយុទ្ធសាស្ត្រដែលដើរដោយថាមពលនុយក្លេអ៊ែរ ដែលជិតរួចរាល់ជាលើកដំបូងរបស់ខ្លួនខណៈដែល មេដឹកនាំកូរ៉េខាងជើងលោកគីម ជុងអ៊ុនបានធ្វើដំណើរមកត្រួតពិនិត្យនាវាដោយផ្ទាល់។
ទីភ្នាក់ងារព័ត៌មានកណ្តាលកូរ៉េឬKCNAបានរាយការណ៍កាលពីថ្ងៃព្រហស្បតិ៍ថា ការសាងសង់របស់ខ្លួនថាជា ការផ្លាស់ប្តូរដ៏សំខាន់ដែលបង្កើតជាសម័យកាល។
ក្នុងអំឡុងពេលទស្សនកិច្ចរបស់គាត់ លោក គីម បានមើលការខុសត្រូវលើការសាងសង់ នាវាមុជទឹកដែលមានបំពាក់មីស៊ីលបញ្ជាពីចំងាយទម្ងន់ ៨៧០០ តោនហើយបានប្តេជ្ញាថានឹងបន្តបំពាក់ដល់កងទ័ពជើងទឹករបស់ កូរ៉េខាងជើងជាមួយនឹងមីស៊ីលបំពាក់នុយក្លេអ៊ែរផងដែរ។
លោកគីមក៏បានភ្ជាប់តម្រូវការ ក្នុងការពង្រឹងអំណាចវាយលុករបស់ប្រទេសជាមួយនឹង ផែនការរបស់កូរ៉េខាងត្បូងក្នុងការអភិវឌ្ឍនាវាមុជទឹកនុយក្លេអ៊ែររបស់ខ្លួន ដែលថ្មីៗនេះត្រូវបានអនុម័តដោយសហរដ្ឋអាមេរិកផងដែរ។
បន្ថែមពីនេះមេដឹកនាំកូរ៉េខាងជើងបានអះអាងថា ផែនការរបស់ទីក្រុងសេអ៊ូលបានរំលោភលើសន្តិសុខ និងអធិបតេយ្យភាពដែនសមុទ្ររបស់ទីក្រុងព្យុងយ៉ាង៕
ប្រែសម្រួល៖ ស៊ុន លី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
