អ្នកប្រជាធិបតេយ្យ អំពាវនាវឱ្យប្រធានាធិបតី ដូណាល់ ត្រាំ ដករដ្ឋមន្រ្តីសន្តិសុខមាតុភូមិ ចេញពីតំណែង ក្រោយការបាញ់សម្លាប់ពលរដ្ឋ
បរទេស ៖ សមាជិកសភាជាន់ខ្ពស់ នៃគណបក្ស ប្រជាធិបតេយ្យ អាមេរិក បានគំរាមបើកដំណើរការ នីតិវិធីចោទប្រកាន់ប្រឆាំង នឹងរដ្ឋមន្ត្រីសន្តិសុខ មាតុភូមិ គឺលោកស្រី Kristi Noem លុះត្រាតែលោកស្រីត្រូវ បានប្រធានាធិបតី Donald Trump បណ្តេញចេញពីតំណែង ដើម្បីឆ្លើយតបទៅនឹងការសម្លាប់ បុរសម្នាក់ដោយភ្នាក់ងារ សហព័ន្ធនៅទីក្រុង Minneapolis កាលពីចុងសប្តាហ៍។
យោងតាមសារព័ត៌មាន RT ចេញផ្សាយ នៅថ្ងៃទី២៨ ខែមករា ឆ្នាំ២០២៦ បានឱ្យដឹងថា មេដឹកនាំភាគតិចក្នុងសភា តំណាងរាស្ត្រ Hakeem Jeffries និងអនុប្រធានរបស់គាត់គឺ Katherine Clark និង Pete Aguilar បាននិយាយនៅក្នុងសេចក្តីថ្លែងការណ៍រួម មួយកាលពីថ្ងៃអង្គារថា អំពើហិង្សាដែលបង្កឡើង ដោយក្រសួងសន្តិសុខមាតុភូមិ (DHS) “ត្រូវតែបញ្ចប់ភ្លាមៗ” ហើយថា លោកស្រី Noem គួរតែត្រូវបានបណ្តេញចេញភ្លាមៗ ដោយព្រមានថា ពួកគេនឹងចាប់ផ្តើមដំណើរការចោទប្រកាន់នៅក្នុងសភា ប្រសិនបើលោកស្រីមិនត្រូវបានដកចេញនោះទេ។ ពួកគេបានបន្ថែមថា បញ្ហានេះអាចត្រូវបានដោះស្រាយ “វិធីងាយស្រួល ឬវិធីលំបាក”។
ឱសានវាទនេះបានធ្វើឡើងបន្ទាប់ពីរលកនៃការរិះគន់បន្ទាប់ពីសមាជិកភាគច្រើននៃក្រុមសមាជិកសភាប្រជាធិបតេយ្យបានចុះហត្ថលេខាលើការចោទប្រកាន់ដែលបានណែនាំកាលពីដើមខែនេះ លើការបាញ់ប្រហារដ៏សាហាវទៅលើ Renee Good និង Alex Pretti ដែលជាពលរដ្ឋអាមេរិកទាំងពីរនាក់ត្រូវបាន សម្លាប់ដោយភ្នាក់ងារ ICE (Immigration and Customs Enforcement) នៅទីក្រុង Minneapolis ។ ឧប្បត្តិហេតុទាំងនេះ ដែលជាផ្នែកមួយ នៃប្រតិបត្តិការ អនុវត្តច្បាប់ អន្តោប្រវេសន៍កាន់តែខ្លាំងក្លានៅក្នុងទីក្រុង បានធ្វើឱ្យការត្រួតពិនិត្យ សន្តិសុខមាតុ ភូមិកាន់តែខ្លាំងឡើង និងអំពាវនាវឱ្យដកលោកស្រី Noem ចេញពីតំណែង ។
សម្ពាធក៏បានកើនឡើង ពីសមាជិកសភា សាធារណរដ្ឋមួយចំនួន ដែលបានចូលរួមក្នុងការអំពាវនាវ ឱ្យលោកស្រីលាលែង ពីតំណែងផងដែរ ៕
ប្រែសម្រួលៈ ណៃ តុលា
