លោក ដូណាល់ ត្រាំ ជួបសន្ទនាជាមួយមេដឹកនាំអ៊ីរ៉ង់ សង្ឃឹមថា នឹងមិនមានការប្រេីជម្រេីសយោធា ដេីម្បីដោះស្រាយបញ្ហា
វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានឧ្យដឹងថា លោកបានធ្វើការសន្ទនាជាមួយមេដឹកនាំអ៊ីរ៉ង់ និងមានគម្រោងបន្តការពិភាក្សា ជំនួបនេះធ្វេីឡេីងស្របពេល ដែលប្រធានាធិបតីអាមេរិករូបនេះ គំរាមវាយប្រហារលេីអ៊ីរ៉ង់ ក្នុងពេលដ៏ខ្លីខាងមុខនេះ។
លោក ត្រាំ បានលេីកឡេីងនៅពេលត្រូវ បានសួរថា តើលោកមានការសន្ទនា ជាមួយអ៊ីរ៉ង់ក្នុងរយៈពេល ប៉ុន្មានថ្ងៃចុងក្រោយនេះដែរឬទេ ប៉ុន្តែលោកមិនបានបញ្ជាក់ថា លោកបាននិយាយជាមួយមេដឹក នាំអ៊ីរ៉ង់រូបណានោះទេ។
លោកបានលេីកឡេីងថា “យើងមាននាវាធំៗ និងមានអានុភាពជាច្រើនកំពុងធ្វើដំណើរទៅកាន់អ៊ីរ៉ង់នៅពេលនេះ ហើយវានឹងល្អណាស់ប្រសិនបើយើងមិនចាំបាច់ប្រើប្រាស់វា” ។
លោកបានបន្ដថា “ខ្ញុំបានប្រាប់ពួកគេពីរយ៉ាង ទីមួយ គ្មាននុយក្លេអ៊ែរទេ និងទីពីរ ឈប់សម្លាប់ក្រុមបាតុករ”។
លោក ដូណាល់ ត្រាំ បានឧ្យដឹងថា “កងនាវាដ៏ធំ” ដែលដឹកនាំដោយនាវាផ្ទុកយន្តហោះ Abraham Lincoln និងធំជាងនាវាដែលត្រូវបានបញ្ជូនទៅប្រទេសវេណេស៊ុយអេឡា កំពុងធ្វើដំណើរឆ្ពោះទៅកាន់អ៊ីរ៉ង់។
លោកបានព្រមានថា “ពេលវេលា ជិតអស់ហើយ” សម្រាប់ទីក្រុងតេអេរ៉ង់ ដើម្បីឈានដល់កិច្ចព្រមព្រៀង ជាមួយទីក្រុងវ៉ាស៊ីនតោន៕
ប្រែសម្រួល ឈូក បូរ៉ា
