លោក Zelensky អះអាងថាអ៊ុយក្រែន ត្រៀមរួចរាល់បទឈប់បាញ់គ្នា សំដៅទីតាំងថាមពលជាមួយនឹងរុស្សី
បរទេស ៖ ទីភ្នាក់ងារចិនស៊ិនហួចេញផ្សាយនៅថ្ងៃនេះបានឲ្យដឹងថា ប្រធានាធិបតីអ៊ុយក្រែនលោក Vladimir Zelensky បាននិយាយថា អ៊ុយក្រែនត្រៀមខ្លួន ដើម្បីសង្កេតមើលបទឈប់បាញ់គ្នា ទៅលើវិស័យថាមពលជាមួយរុស្ស៊ី ដែលបានចាប់ផ្តើមពេញមួយ យប់កាលពីថ្ងៃសុក្រ។
លោក Zelensky បាននិយាយក្នុងសុន្ទរកថា ល្ងាចរបស់លោកថា ៖ ប្រទេសអ៊ុយក្រែនត្រៀមខ្លួនជាស្រេចដើម្បីឆ្លុះបញ្ចាំងពីការទប់ស្កាត់ពីការវាយប្រហារ ហើយថ្ងៃនេះ យើងមិនបានវាយប្រហារ រោងចក្រថាមពលរបស់រុស្ស៊ីទេ។
លោកបានបន្ថែមថាសហរដ្ឋអាមេរិក បានស្នើឱ្យផ្អាកមួយសប្តាហ៍ ក្នុងការវាយប្រហារលើហេដ្ឋារចនាសម្ព័ន្ធថាមពល។
គួរឲ្យដឹងដែរថាកាលពីថ្ងៃព្រហស្បតិ៍ ប្រធានាធិបតីអាមេរិក លោក Donald Trump បាននិយាយថា លោកបានស្នើឱ្យប្រធានាធិបតីរុស្ស៊ី លោក Vladimir Putin ជៀសវាងការវាយប្រហារលើរដ្ឋធានីអ៊ុយក្រែន និងទីក្រុងផ្សេងទៀតរយៈពេលមួយសប្តាហ៍ ដោយសារអាកាសធាតុត្រជាក់ខ្លាំងពេក៕
ប្រែសម្រួល៖ស៊ុនលី
