មេដឹកនាំកំពូលអ៊ីរ៉ង់ ព្រមានអំពីជម្លោះក្នុងតំបន់ ប្រសិនបើអាមេរិកចាប់ផ្តើមសង្គ្រាម
តេអេរ៉ង់៖ មេដឹកនាំកំពូលអ៊ីរ៉ង់ លោក Ali Khamenei បានឧ្យដឹងថា ប្រសិនបើសហរដ្ឋអាមេរិក ចាប់ផ្តើមសង្គ្រាមប្រឆាំងនឹងអ៊ីរ៉ង់ វានឹងជាសង្គ្រាមក្នុងតំបន់។
លោកបានធ្វើការកត់សម្គាល់នេះនៅក្នុងកិច្ចប្រជុំមួយនៅទីក្រុងតេអេរ៉ង់ ខណៈដែលភាពតានតឹងនៅតែខ្ពស់រវាងទីក្រុងតេអេរ៉ង់ និងទីក្រុងវ៉ាស៊ីនតោន បន្ទាប់ពីការកសាងយោធារបស់ទីក្រុងវ៉ាស៊ីនតោន នៅក្នុងតំបន់អាស៊ីខាងលិច។
លោក Khamenei បានលេីកឡេីងថា អ៊ីរ៉ង់នឹងមិនចាប់ផ្តើមសង្គ្រាមនោះទេ ហើយមិនស្វែងរកការវាយប្រហារប្រទេសណាមួយឡើយ “ប៉ុន្តែប្រជាជនអ៊ីរ៉ង់ នឹងវាយប្រហារយ៉ាងខ្លាំងទៅលើ អ្នកដែលស្វែងរកការវាយប្រហារ និងយាយីពួកគេ”។
លោកបានសង្កត់ធ្ងន់ថា “ជនជាតិអាមេរិកគួរតែដឹងថា ប្រសិនបើសង្គ្រាមមួយត្រូវបានចាប់ផ្តើម លើកនេះ វានឹងក្លាយជាសង្គ្រាមក្នុងតំបន់”។
ប្រធានាធិបតីអាមេរិក លោក ដូណាល់ ត្រាំ បានបន្ដថា «កងនាវាចម្បាំងដ៏ធំមួយ» ដឹកនាំដោយនាវាផ្ទុកយន្តហោះ Abraham Lincoln កំពុងធ្វើដំណើរឆ្ពោះទៅកាន់ប្រទេសអ៊ីរ៉ង់ ដោយព្រមានថា «ពេលវេលាជិតអស់ហើយ» សម្រាប់ទីក្រុងតេអេរ៉ង់ ដើម្បីឈានដល់កិច្ចព្រមព្រៀងជាមួយសហរដ្ឋអាមេរិក៕
ប្រែសម្រួល ឈូក បូរ៉ា
