អាល្លឺម៉ង់ នៅតែពឹងផ្អែកកាន់តែខ្លាំង ទៅលើបច្ចេកវិទ្យាយោធាអាមេរិក បន្ទាប់ពីគម្រោងបញ្ជាទិញយន្តហោះចម្បាំង F-35 បន្ថែមទៀត
បរទេស៖ ប្រភពពីរបាននិយាយថា ប្រទេសអាល្លឺម៉ង់ កំពុងពិចារណាលើការបញ្ជាទិញយន្តហោះចម្បាំង F-35 បន្ថែមទៀតដែលផលិតនៅសហរដ្ឋអាមេរិក ដែលជាចលនាមួយដែលនឹងធ្វើឱ្យទីក្រុងប៊ែរឡាំង ពឹងផ្អែកកាន់តែខ្លាំងទៅលើបច្ចេកវិទ្យាយោធាអាមេរិក ខណៈដែលកម្មវិធីយន្តហោះចម្បាំង ជំនាន់ក្រោយរួមគ្នាជាមួយបារាំង កំពុងរអាក់រអួល ។
យោងតាមសារព័ត៌មាន The Japan Times ចេញផ្សាយនៅថ្ងៃទី២១ ខែកុម្ភៈ ឆ្នាំ២០២៦ថា ប្រភពមួយបាននិយាយថា ទីក្រុងប៊ែរឡាំង កំពុងស្ថិតក្នុងការចរចា ដែលអាចនាំឱ្យមានការទិញយន្តហោះចម្បាំងបន្ថែមជាង ៣៥ គ្រឿង។ ប្រភពទីពីរមិនបានបញ្ជាក់ចំនួននោះទេ។ ប្រភពទាំងពីរបានព្រមានថា លទ្ធផលនៅតែមិនប្រាកដប្រជា ។
នៅឆ្នាំ ២០២២ ប្រទេសអាល្លឺម៉ង់ បានទិញយន្តហោះចំនួន ៣៥ គ្រឿង ដែលនឹងចាប់ផ្តើមដឹកជញ្ជូន នៅពេលក្រោយនៃឆ្នាំនេះ។
ការទិញយន្តហោះចម្បាំងបំបាំងកាយពីក្រុមហ៊ុន Lockheed Martin បន្ថែមទៀតដែលមានតម្លៃជាង ៨០ លានដុល្លារក្នុងមួយគ្រឿង បានកើតឡើងនៅពេលដែលប្រទេសអាល្លឺម៉ង់ និងបារាំងកំពុងជាប់គាំងលើកម្មវិធីប្រព័ន្ធអាកាសប្រយុទ្ធនាពេលអនាគត (FCAS) របស់ពួកគេ។
គម្រោង ១០០ ពាន់លានអឺរ៉ូ ដែលបានចាប់ផ្តើមនៅឆ្នាំ ២០១៧ ដើម្បីជំនួសយន្តហោះចម្បាំង Rafales និង Eurofighters របស់បារាំងចាប់ពីឆ្នាំ ២០៤០ ត្រូវបានជាប់គាំងដោយសារការប្រកួតប្រជែងផ្នែកឧស្សាហកម្ម៕
ប្រែសម្រួលៈ ណៃ តុលា
