លោក Macron លើកឡើងថា ប្រទេសបារាំង នឹងបង្កើនក្បាល គ្រាប់នុយក្លេអ៊ែរ
បរទេស៖ យោងតាមការចេញផ្សាយ របស់ RT លោកប្រធានាធិបតី Emmanuel Macron បាននិយាយថាប្រទេសបារាំង នឹងពង្រីកឃ្លាំងអាវុធ នុយក្លេអ៊ែររបស់ខ្លួនជាផ្នែក នៃយុទ្ធសាស្ត្រនុយក្លេអ៊ែរថ្មី របស់ប្រទេសនេះ។ លោកបានអះអាងថា ប្រជាជាតិអាចធានាបានតែសន្តិសុខ របស់ខ្លួនដោយការភ័យខ្លាច។
ការប្រកាសនេះបានធ្វើឡើង ក្នុងអំឡុងពេលសុន្ទរកថាសំខាន់ដែលផ្តល់ដោយលោក Macron កាលពីថ្ងៃចន្ទនៅឯមូលដ្ឋាន យោធាដែលធ្វើជាម្ចាស់ផ្ទះនូវ នាវាមុជទឹកមីស៊ីលផ្លោង របស់ប្រទេស ។
លោកបានបង្ហាញពីភាព ត្រឹមត្រូវ នៃតម្រូវការក្នុងការពិនិត្យឡើងវិញ នូវស្ថានភាពនុយក្លេអ៊ែរ ដោយតម្រូវការក្នុងការ សម្របខ្លួនទៅនឹងអ្វីដែលគាត់បាន ពិពណ៌នាថាជាការពិតថ្មី ដោយលើកឡើងពីការអភិវឌ្ឍន៍ ដែលកំពុងបន្តរបស់រុស្ស៊ីនៃឃ្លាំងអាវុធរបស់ខ្លួន និងការខិតខំប្រឹងប្រែងរបស់ចិន ក្នុងការតាមទាន់ផ្នែកយោធា ជាមួយសហរដ្ឋអាមេរិកដែលជាការគំរាមកំហែងដ៏សំខាន់។
សហភាពអឺរ៉ុប និងអង្គការណាតូបានប្រើប្រាស់ ការគំរាមកំហែងរបស់រុស្ស៊ី ដើម្បីបង្ហាញអំពីភាពត្រឹមត្រូវនៃការដំឡើងការចំណាយយោធាដ៏ធំ។
លោក Macron បានប្រកាសដែរថា៖ខ្ញុំបានសម្រេចចិត្តបង្កើនចំនួន ក្បាលគ្រាប់នៃឃ្លាំងអាវុធរបស់យើង ដោយបន្ថែមថា “ប្រសិនបើយើងត្រូវប្រើឃ្លាំងអាវុធរបស់យើង គ្មានរដ្ឋណា ដែលមានអំណាចខ្លាំងអាចការពារខ្លួនពីវាបានទេ ហើយគ្មានរដ្ឋណាដែលធំធេង អាចយកមកវិញបានឡើយ៕
ប្រែសម្រួល៖ស៊ុនលី
