សង្គ្រាមមជ្ឈិមបូព៌ា ដ៏ក្ដៅគគុក ធ្វើឱ្យក្តីសង្ឃឹម របស់អាមេរិក សម្រាប់ជ័យជម្នះរហ័សថយចុះ និងជំរុញឱ្យមានការអំពាវនាវ ជាសកលសម្រាប់ការបន្ធូរបន្ថយ ភាពតានតឹង
បរទេស៖ សង្គ្រាមដែលបង្កឡើង ដោយការវាយប្រហាររបស់សហរដ្ឋអាមេរិក-អ៊ីស្រាអែល លើអ៊ីរ៉ង់ បានចូលដល់ថ្ងៃទី១២ របស់ខ្លួននៅថ្ងៃពុធ ដោយមានប្រទេសជាងដប់ប្រទេស រងផលប៉ះពាល់រហូតមកដល់ពេលនេះ និងផលប៉ះពាល់ទូទាំងពិភពលោក។
អ្នកសង្កេតការណ៍បានកត់សម្គាល់ថា ខណៈដែលសហរដ្ឋអាមេរិក និងអ៊ីស្រាអែល សម្រេចបាននូវសមិទ្ធផលយុទ្ធសាស្ត្រមួយចំនួននៅលើសមរភូមិ ការប្រយុទ្ធគ្នាកាន់តែខ្លាំងឡើង បានបំផ្លាញក្តីសង្ឃឹមរបស់ទីក្រុងវ៉ាស៊ីនតោន សម្រាប់ជ័យជម្នះយ៉ាងឆាប់រហ័ស។
ខណៈពេលដែលការព្រួយបារម្ភកាន់តែខ្លាំងឡើងលើសង្គ្រាមអូសបន្លាយនៃការចុះខ្សោយ សំឡេងអន្តរជាតិ សម្រាប់ការបញ្ចប់អរិភាពជាបន្ទាន់ និងការវិលត្រឡប់ទៅរកការចរចាក៏កើនឡើងផងដែរ។
គិតត្រឹមថ្ងៃពុធ ជម្លោះ ដែលបានពង្រីកនៅទូទាំងរដ្ឋឈូងសមុទ្រទាំងអស់ និងប្រទេសជាច្រើនទៀតនៅក្នុងតំបន់ ហាក់ដូចជានឹងមានរយៈពេលលើសពី “សង្គ្រាម ១២ថ្ងៃ” រវាងអ៊ីរ៉ង់ និងសម្ព័ន្ធមិត្តអ៊ីស្រាអែល-សហរដ្ឋអាមេរិក នៅក្នុងខែមិថុនា ឆ្នាំ២០២៥។
នៅចំណុចកណ្តាលនៃវិបត្តិក្នុងតំបន់ អ៊ីរ៉ង់បានរងការខាតបង់យ៉ាងធ្ងន់ធ្ងរ។ ក្នុងអំឡុងពេលនៃការវាយប្រហារដំបូងរបស់សហរដ្ឋអាមេរិក-អ៊ីស្រាអែល មេដឹកនាំកំពូលអ៊ីរ៉ង់ លោក Ali Khamenei ត្រូវបានសម្លាប់ រួមជាមួយមន្ត្រីជាន់ខ្ពស់មួយចំនួនរបស់ប្រទេស។ ការដំឡើងយោធា បរិវេណថ្នាក់ដឹកនាំ និងហេដ្ឋារចនាសម្ព័ន្ធយុទ្ធសាស្ត្រ របស់ប្រទេសក៏បានរង ការទម្លាក់គ្រាប់បែកយ៉ាងខ្លាំងផងដែរ៕
ប្រែសម្រួល ឈូក បូរ៉ា
