កិច្ចសន្ទនាសកលស្តីពី”ប្រទេសចិនក្នុងរដូវផ្ការីក”ក្រោមប្រធានបទ”ការអភិវឌ្ឍរបស់ចិន កាលានុវត្តភាពរបស់ពិភពលោក”បានបើកធ្វើនៅទីក្រុងឌូសេលដូហ្វ ប្រទេសអាល្លឺម៉ង់
នៅថ្ងៃទី ១៧ ខែមីនា តាមម៉ោងក្នុងតំបន់ កិច្ចសន្ទនាសកលស្តីពី”ប្រទេសចិនក្នុងរដូវផ្ការីក”ក្រោមប្រធានបទ”ការអភិវឌ្ឍរបស់ចិន កាលានុវត្តភាពពិភពលោក”ដែលសហការរៀបចំដោយអគ្គស្ថានីយវិទ្យុនិងទូរទស្សន៍មជ្ឈិមចិននិងស្ថានអគ្គកុងស៊ុលប្រទេសចិនប្រចាំនៅក្រុងឌូសេលដូហ្វបានបើកធ្វើនៅទីក្រុងឌូសេលដូហ្វ នៃរដ្ឋ North Rhine-Westphalia ប្រទេសអាល្លឺម៉ង់ ។
លោក Shen Haixiong អនុរដ្ឋមន្រ្តីក្រសួងឃោសនាការនៃគណៈកម្មាធិការមជ្ឈិមបក្សកុម្មុយនីស្តចិននិងជាអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិនបានថ្លែងសុន្ទរកថាតាមប្រព័ន្ធវីដេអូ ។
លោក Shen Haixiong បានថ្លែងថា លោក Xi Jinping ប្រធានរដ្ឋចិនបានសង្កត់ធ្ងន់ក្នុងអំឡុងពេលបើកធ្វើមហាសន្និបាតនៃសភាទាំងពីររបស់ចិននៅឆ្នាំនេះថា យើងត្រូវពង្រីកការបើកទូលាយចំពោះបរទេសប្រកបដោយកម្រិតខ្ពស់ ត្រួសត្រាយទីផ្សារសកលឱ្យបានទូលំទូលាយនិងតភ្ជាប់ជាមួយសេដ្ឋកិច្ចវិលជុំអន្តរជាតិឱ្យបានកាន់តែល្អ ។
អគ្គស្ថានីយវិទ្យុនិងទូរទស្សន៍មជ្ឈិមចិនរីករាយដើរតួនាទីនៃឧត្តមភាពលំដាប់ពិភពលោករបស់ខ្លួនតាមរយៈការផ្សព្វផ្សាយចម្រុះ ការច្នៃប្រឌិតថ្មីផ្នែកបច្ចេកវិទ្យានិងប្រភពធនធានក្នុងវិស័យផ្សព្វផ្សាយដើម្បីជំរុញឱ្យសមិទ្ធផលនៃការធ្វើទំនើបកម្មតាមបែបផែនចិនផ្តល់ផលប្រយោជន៍កាន់តែច្រើនដល់ពិភពលោក ក៏ដូចជាចែករំលែកកាលានុវត្តភាពថ្មីនៃការអភិវឌ្ឍប្រកបដោយគុណភាពខ្ពស់របស់ប្រទេសចិនជាមួយបណ្តាមិត្តលើសកលលោក៕
