ប្រទេសក្នុងតំបន់ឈូងសមុទ្រ Gulf អាចនឹងចូលរួមគ្នា ក្នុងការប្រយុទ្ធជាមួយនឹងអ៊ីរ៉ង់
បរទេស៖យោងតាមការចេញផ្សាយរបស់ RT ដែលបានដកស្រង់ ចេញពីកាសែត Wall Street Journal (WSJ)បានរាយការណ៍ ដោយដកស្រង់សម្តីមន្ត្រីអារ៉ាប់ថា សហភាពអារ៉ាប់អេមីរ៉ាត កំពុងត្រៀមខ្លួន ដើម្បីក្លាយជាប្រទេសឈូងសមុទ្រ ទីមួយដែលធ្វើយោធារបស់ខ្លួនក្នុងសង្គ្រាមអាមេរិក-អ៊ីស្រាអែលប្រឆាំងនឹងអ៊ីរ៉ង់។
ចាប់តាំងពីការចាប់ផ្តើម នៃជម្លោះកាលពីមួយខែមុន ប្រទេសអារ៉ាប់រួម ត្រូវបានវាយប្រហារដោយមីស៊ីល និងយន្តហោះ គ្មានមនុស្សបើករបស់អ៊ីរ៉ង់ប្រមាណ២៥០០គ្រាប់មកហើយពោលគឺច្រើនជាងប្រទេសដទៃទៀតនៅក្នុងតំបន់ រួមទាំងអ៊ីស្រាអែលផងដែរ។
ជាមួយនឹងច្រកសមុទ្រ Hormuz បានបិទប្រកបដោយប្រសិទ្ធភាពដោយសារតែការប្រយុទ្ធគ្នា ទិន្នផលប្រេងរបស់ប្រទេស ត្រូវបានកាត់បន្ថយជាង ពាក់កណ្តាល ខណៈដែលទីផ្សារភាគហ៊ុននៅទីក្រុងឌូបៃ និងអាប៊ូដាប៊ីបានខាត បង់តម្លៃប្រហែល១២០ពាន់លានដុល្លារ ។
កាសែតWSJ ដដែលបាននិយាយនៅក្នុងអត្ថបទមួយ កាលពីថ្ងៃអង្គារថា Emirates ចង់ឱ្យច្រកសមុទ្រ Hormuz មិនត្រូវបានរារាំងសម្រាប់ការជួញដូរប្រេង ដូច្នេះវាត្រៀមខ្លួនជាស្រេច ដើម្បីជួយដល់ផ្នែកយោធា របស់សហរដ្ឋអាមេរិកក្នុងការធ្វើដូច្នេះ។
ប្រភពបាននិយាយថា អ្នកការទូត របស់ប្រទេសនេះបានជំរុញ ជាឯកជនឱ្យទីក្រុងវ៉ាស៊ីនតោន បង្កើតសម្ព័ន្ធយោធាជាមួយបណ្តាប្រទេសនៅអឺរ៉ុប និងអាស៊ី ដើម្បីគ្រប់គ្រងផ្លូវទឹកនេះឡើងវិញផងដែរ៕
ប្រែសម្រួល៖ស៊ុនលី
