លោក ដូណាល់ ត្រាំ ប្រកាសដាក់ពន្ធ ១០០ភាគរយ លើការនាំចូលឱសថមួយចំនួន
ញូវយ៉ក៖ ប្រធានាធិបតីអាមេរិក លោក ដូណាល់ ត្រាំ បានដាក់ពន្ធ ១០០ភាគរយលើការនាំចូលឱសថ ដែលមានប៉ាតង់មួយចំនួន និងគ្រឿងផ្សំឱសថពាក់ព័ន្ធមួយចំនួនទៀត។
នៅក្នុងបទបញ្ជាប្រតិបត្តិដែលបានចុះហត្ថលេខាកាលពីថ្ងៃព្រហស្បតិ៍ លោក ត្រាំ បាន្យដឹងថា ការនាំចូលបែបនេះគឺ “ក្នុងបរិមាណ និងក្រោមកាលៈទេសៈ ដែលគំរាមកំហែងដល់សន្តិសុខជាតិរបស់សហរដ្ឋអាមេរិក”។
ពន្ធដែលដាក់នឹងមានប្រសិទ្ធភាព នៅថ្ងៃទី៣១ ខែកក្កដា ឆ្នាំ២០២៦។ បទបញ្ជានេះបានឧ្យដឹងថា ពន្ធនឹងមាន ២០ភាគរយ សម្រាប់ផលិតផលរបស់ក្រុមហ៊ុន ដែលមាន ឬដែលទំនងជាមានផែនការផ្លាស់ប្ដូរ ផលិតកម្ម ឬហៅថា onshoring ដែលត្រូវបានអនុម័តដោយរដ្ឋមន្ត្រី ក្រសួងពាណិជ្ជកម្មសហរដ្ឋអាមេរិក ប៉ុន្តែនឹងកើនឡើងដល់ ១០០ភាគរយនៅថ្ងៃទី២ ខែមេសា ឆ្នាំ២០៣០។
យោងតាមបទបញ្ជានេះ ប្រទេសជប៉ុន សហភាពអឺរ៉ុប សាធារណរដ្ឋកូរ៉េ និងស្វីស និងលីចថេនស្តាញ ដែលបានចុះកិច្ចព្រមព្រៀង ពាណិជ្ជកម្មជាមួយសហរដ្ឋអាមេរិករួមគ្នា នឹងប្រឈមមុខនឹងពន្ធគយ ១៥ភាគរយ ហើយចក្រភពអង់គ្លេសនឹងប្រឈមមុខនឹងពន្ធគយ ១០ភាគរយ៕
ប្រែសម្រួល ឈូក បូរ៉ា
