អូទ្រីស បដិសេធសំណើសុំប្រេីប្រាស់ដែនអាកាស របស់សហរដ្ឋអាមេរិក សម្រាប់ប្រតិបត្តិការយោធាប្រឆាំងនឹងអ៊ីរ៉ង់
វីយែន៖ ទីភ្នាក់ងារសារព័ត៌មានអូទ្រីស APA បានរាយការណ៍ថា ប្រទេសអូទ្រីស បានបដិសេធសំណើ “ជាច្រើន” ពីសហរដ្ឋអាមេរិកក្នុងការប្រើប្រាស់ ដែនអាកាសរបស់ខ្លួន សម្រាប់ប្រតិបត្តិការ យោធាប្រឆាំងនឹងអ៊ីរ៉ង់។
អ្នកនាំពាក្យក្រសួងការពារជាតិអូទ្រីស បានឧ្យដឹងថា សំណើទាំងនោះត្រូវបាន បដិសេធស្រប តាមច្បាប់អព្យាក្រឹត ភាពរបស់ប្រទេស។ អ្នកនាំពាក្យរូបនេះ មិនបានបញ្ជាក់ពីចំនួនពិតប្រាកដនៃសំណើនោះទេ ដោយគ្រាន់តែបញ្ជាក់ថា សំេណេីមាន “ច្រើន”។
លោក Sven Hergovich មេដឹកនាំគណបក្សប្រជាធិបតេយ្យ សង្គមនៅក្នុងរដ្ឋ Lower Austria បានអំពាវនាវដល់រដ្ឋមន្ត្រីក្រសួង ការពារជាតិលោក Klaudia Tanner កុំឱ្យអនុម័តជើងហោះហើរ យោធាណាមួយរបស់សហរដ្ឋអាមេរិកឆ្ពោះទៅកាន់ឈូងសមុទ្រ រួមទាំងជើងហោះហើរគាំទ្រការដឹកជញ្ជូន និងភស្តុភារផងដែរ។
លោក Hergovich ត្រូវបានដកស្រង់សម្តីថា “អេស្ប៉ាញ បារាំង អ៊ីតាលី និងស្វីស កំពុងធ្វើដូចគ្នា។ សង្គ្រាមនេះកំពុងបំផ្លាញ ផលប្រយោជន៍សេដ្ឋកិច្ចអូទ្រីស អឺរ៉ុបទាំងមូល និងសន្តិភាពពិភពលោក”។
រដ្ឋាភិបាលអេស្ប៉ាញ បានបិទដែនអាកាសរបស់ខ្លួន ចំពោះជើងហោះហើរ ដែលទាក់ទងនឹងការ វាយប្រហារយោធា របស់សហរដ្ឋអាមេរិក និងអ៊ីស្រាអែលលើអ៊ីរ៉ង់ រួមទាំងយន្តហោះអាមេរិកដែលដាក់ពង្រាយនៅក្នុងប្រទេសទីបី ដូចជាចក្រភពអង់គ្លេស និង បារាំងជាដេីម ។ ទន្ទឹមនឹងនេះ រដ្ឋាភិបាលអ៊ីតាលី បានបដិសេធការអនុញ្ញាត ឱ្យសហរដ្ឋអាមេរិកប្រើប្រាស់មូលដ្ឋានទ័ពអាកាស Sigonella នៅស៊ីស៊ីលី សម្រាប់ការវាយប្រហារអ៊ីរ៉ង់ផងដែរ៕
ប្រែសម្រួល ឈូក បូរ៉ា
