នាយករដ្ឋមន្ត្រីកាណាដា អំពាវនាវឲ្យធ្វើពិពិធកម្ម សេដ្ឋកិច្ចចំពេលមានភាពតានតឹង ពាណិជ្ជកម្មជាមួយអាមេរិក
បរទេស ៖ ទីភ្នាក់ងារចិនស៊ិនហួចេញផ្សាយ នៅថ្ងៃនេះ បានឲ្យដឹងថានាយករដ្ឋមន្ត្រីកាណាដា លោក Mark Carney បាននិយាយកាលពីថ្ងៃអាទិត្យថា អតីតភាពខ្លាំង របស់ប្រទេសកាណាដាដោយ ផ្អែកលើទំនាក់ទំនងជិតស្និទ្ធជាមួយ សហរដ្ឋអាមេរិកបានក្លាយទៅជា ចំណុចខ្សោយដែលទាមទារការ កែតម្រូវតាមរយៈការធ្វើពិពិធកម្មពាណិជ្ជកម្មសកល។
នៅក្នុងពិធីថ្លែងសន្ទរកថា តាមវីដេអូមួយដែលមានចំណងជើងថា “ការណែនាំឆ្ពោះទៅមុខ” ដែលបានបង្ហោះ នៅលើប្រព័ន្ធផ្សព្វផ្សាយសង្គម របស់គាត់ លោកCarney បានផ្តល់ការវាយតម្លៃ អំពីទំនាក់ទំនង កាណាដា-សហរដ្ឋអាមេរិកបច្ចុប្បន្ន។
លោក Carney បាននិយាយថា ៖ សហរដ្ឋអាមេរិកបានផ្លាស់ប្តូរជាមូលដ្ឋាននូវវិធីសាស្រ្តរបស់ខ្លួនចំពោះពាណិជ្ជកម្ម ដោយដំឡើងពន្ធរបស់ខ្លួនដល់កម្រិត ដែលបានឃើញចុងក្រោយ ក្នុងអំឡុងពេលនៃវិបត្តិសេដ្ឋកិច្ចធំ ដោយសំដៅទៅលើកាតព្វកិច្ចធ្ងន់ នាពេលបច្ចុប្បន្ន ដែលប៉ះពាល់ដល់ឧស្សាហកម្មរថយន្ត ដែក និងឈើរបស់ប្រទេស កាណាដា។
ចាប់តាំងពីដើមឆ្នាំ២០២៥មកសហរដ្ឋអាមេរិក បានរក្សាការដាក់ទណ្ឌកម្ម ជាបន្តបន្ទាប់លើការនាំចេញរបស់កាណាដា រួមទាំង២៥ភាគរយលើទំនិញផ្សេងៗ និង៥០ ភាគរយលើដែក និងអាលុយមីញ៉ូម។ វិធានការទាំងនេះបានរំខានយ៉ាងខ្លាំង ដល់ខ្សែសង្វាក់ផ្គត់ផ្គង់នៅអាមេរិកខាងជើង និងបានដាក់សម្ពាធលើទីក្រុង Ottawa ឱ្យស្វែងរកព្រំដែនសេដ្ឋកិច្ចថ្មីដើម្បីមកជំនួសទីផ្សារបច្ចុប្បន្ន៕
ប្រែសម្រួល៖ស៊ុនលី
