ពលរដ្ឋវេណេស៊ុយអេឡា ប្រមូលផ្ដុំគ្នាតវ៉ាទូទាំងប្រទេស ប្រឆាំងនឹងទណ្ឌកម្មរបស់សហរដ្ឋអាមេរិក
ការ៉ាកាស៖ ការជួបជុំទូទាំងប្រទេស ប្រឆាំងនឹងទណ្ឌកម្មរបស់សហរដ្ឋអាមេរិក បានបន្តធ្វេីឡេីង នៅក្នុងប្រទេស វេណេស៊ុយអេឡា ដោយប្រធានរដ្ឋសភាលោក Jorge Rodriguez បានដឹកនាំការជួបជុំគ្នា ដោយអំពាវនាវឱ្យមានឯកភាពនយោបាយ និងសង្គម។
លោក Rodriguez បានថ្លែងនៅ Cerro El Gallo ក្នុង San Felix ជាកន្លែងដែលការជួបជុំគ្នាបានកើតឡើងថា “យើងត្រូវបញ្ចប់ទណ្ឌកម្ម”។ លោកបានេីកឡេីងថា យុទ្ធនាការនេះមានគោលបំណងកសាងការឯកភាពគ្នា និងជំរុញឱ្យមានការលើកលែងទណ្ឌកម្មសេដ្ឋកិច្ច ដោយជំរុញឱ្យប្រជាជនវេណេស៊ុយអេឡា ដាក់ភាពខុសគ្នាមួយឡែក និងផ្តោតលើផលប្រយោជន៍រួម។
ការជួបជុំគ្នានេះគឺជាផ្នែកមួយនៃការជួបជុំជាតិដែលបានចាប់ផ្តើមនៅថ្ងៃទី១៩ ខែមេសា ដោយប្រធានាធិបតីស្តីទីលោកស្រី Delcy Rodriguez ជាមួយនឹងព្រឹត្តិការណ៍ដែលបានធ្វើឡើងនៅក្នុងរដ្ឋជាច្រើន រួមទាំង Zulia, Tachira និង Amazonas។
នៅក្នុងព្រឹត្តិការណ៍ បើកដំណើរការនៅរដ្ឋ Zulia លោកស្រី Delcy Rodriguez បានឧ្យដឹងថា ប្រទេសវេណេស៊ុយអេឡា ត្រូវតែយកឈ្នះលើទណ្ឌកម្ម របស់សហរដ្ឋអាមេរិក ដោយបន្ថែមថា កុមាររាប់លាននាក់ដែលកើត ក្នុងអំឡុងពេល ជិតមួយទសវត្សរ៍នៃការរឹតបន្តឹងសេដ្ឋកិច្ចបានប្រឈមមុខនឹងការចូលប្រើ ប្រាស់មានកម្រិតចំពោះលក្ខខណ្ឌសង្គម និងសេដ្ឋកិច្ចជាមូលដ្ឋាន។
យុទ្ធនាការទូទាំងប្រទេសនេះ រួមមានការដង្ហែក្បួន និងព្រឹត្តិការណ៍ សាធារណៈនានាទូទាំងប្រទេស ហើយត្រូវបានគ្រោង នឹងបញ្ចប់នៅទីក្រុងការ៉ាកាស នៅថ្ងៃទី១ ខែឧសភា៕
ប្រែសម្រួល ឈូក បូរ៉ា
