បរទេស៖ កាសែត Economic Times បានរាយការណ៍កាលពីថ្ងៃសុក្រថា ក្រុមហ៊ុនអាកាសចរណ៍ Air India នឹងកាត់បន្ថយជើងហោះហើរប្រហែល ១០០ ជើងនៅទូទាំងផ្លូវហោះហើរអន្តរជាតិចាប់ពីខែមិថុនាតទៅ។
យោងតាមសារព័ត៌មាន RT ចេញផ្សាយ កាលពីថ្ងៃទី១ ខែឧសភា ឆ្នាំ២០២៦ថា ក្រុមហ៊ុនអាកាសចរណ៍ធំជាងគេទីពីររបស់ឥណ្ឌា ដែលត្រូវបានធ្វើឯកជនភាវូបនីយកម្ម និងទិញ ដោយក្រុមហ៊ុន Tata Group ក្នុងឆ្នាំ ២០២២ ដំណើរការជើងហោះហើរប្រហែល១.១០០ ជើងជារៀងរាល់ថ្ងៃ។ ការកាត់បន្ថយច្រើនបំផុត ត្រូវបានគេរំពឹងទុកលើផ្លូវហោះហើរអន្តរជាតិផ្លូវឆ្ងាយទៅកាន់អឺរ៉ុប អាមេរិកខាងជើង អូស្ត្រាលី និងសិង្ហបុរី ជាកន្លែងដែលការប្រើប្រាស់ ប្រេងឥន្ធនៈខ្ពស់បំផុត។
មន្ត្រី Air India ម្នាក់ដែលមិនស្គាល់អត្តសញ្ញាណ បានប្រាប់សារព័ត៌មានថា ក្រុមហ៊ុនអាកាសចរណ៍បច្ចុប្បន្ន មិនអាចទទួលបានថ្លៃ ដើមប្រតិបត្តិការលើជើងហោះហើរមួយចំនួនធំបានទេ ។ របាយការណ៍នេះបានកត់សម្គាល់ថា ក្រុមហ៊ុនអាកាសចរណ៍នេះបានប្រមូលផ្តុំការ ខាតបង់ប្រហែល ២,១ ពាន់លានដុល្លារ រួចហើយ ដោយហិរញ្ញវត្ថុរបស់ខ្លួនបានរងផលប៉ះពាល់យ៉ាងខ្លាំង ចាប់តាំងពីការបិទដែនអាកាសរបស់ប៉ាគីស្ថាន បន្ទាប់ពីការប្រឈមមុខដាក់គ្នាខាងយោធានៅក្នុងខែឧសភា ឆ្នាំ ២០២៥។
ការបិទនេះបានបង្ខំឱ្យក្រុមហ៊ុនអាកាសចរណ៍ឥណ្ឌាធ្វើដំណើរតាមផ្លូវវែងជាងមុន ដែលបង្កើនថ្លៃដើមប្រតិបត្តិការយ៉ាងខ្លាំង។
របាយការណ៍នេះកើតឡើងក្នុងចំណោមការស្នើសុំទូទាំងឧស្សាហកម្មដោយក្រុមហ៊ុនអាកាសចរណ៍ឥណ្ឌាសម្រាប់រដ្ឋាភិបាលសហព័ន្ធឱ្យធ្វើអន្តរាគមន៍ ខណៈដែលតម្លៃប្រេងឥន្ធនៈទួរប៊ីនអាកាសចរណ៍ (ATF) កើនឡើងគំរាមកំហែងដល់លទ្ធភាពពាណិជ្ជកម្មរបស់ពួកគេ។
ប្រែសម្រួលៈ ណៃ តុលា
