គុយបា ថ្កោលទោស ការគំរាមកំហែងយោធា របស់សហរដ្ឋអាមេរិក ដែលមានចរិតឆេវឆាវ និងលាក់ពុត
ហាវ៉ាណា៖ រដ្ឋមន្ត្រីការបរទេសគុយបា លោក Bruno Rodriguez បានឧ្យដឹងថា វាជាមានចរិតឆេវឆាវ និងលាក់ពុត សម្រាប់សហរដ្ឋអាមេរិក ក្នុងការគំរាមកំហែងប្រើប្រាស់កងកម្លាំងយោធា ដើម្បីរំដោះប្រទេសនេះ បន្ទាប់ពីការហាមឃាត់សេដ្ឋកិច្ច ពាណិជ្ជកម្ម និងហិរញ្ញវត្ថុជាង ៦ទសវត្សរ៍ ។
លោក Rodriguez បានសរសេរនៅលើ X ថា «រដ្ឋាភិបាលសហរដ្ឋអាមេរិក ទទូចចង់បង្ហើបពីសកម្មភាពយោធាប្រឆាំងនឹងគុយបា ពីព្រោះប្រទេសនេះត្រូវបានបំផ្លិចបំផ្លាញ ហើយវានឹងជាកិត្តិយសមួយក្នុងការរំដោះវា»។
លោកបានលេីកឡេីងថា «រឿងដែលមានលក្ខណៈឆេវឆាវ និង លាក់ពុតអំពីវាគឺថា សហរដ្ឋអាមេរិក បានចំណាយពេលរាប់ទសវត្សរ៍ ដើម្បីព្យាយាមបំផ្លិចបំផ្លាញ ប្រទេសនេះជាមួយនឹងសង្គ្រាមសេដ្ឋកិច្ច» ដោយបន្ថែមថា រដ្ឋបាលសហរដ្ឋអាមេរិក បច្ចុប្បន្នបានបង្កើនការបិទផ្លូវ បែបនេះក្នុងរយៈពេលប៉ុន្មានខែថ្មីៗនេះតាមរយៈបទបញ្ជាប្រតិបត្តិ «ប្រល័យពូជសាសន៍»។
លោកបានបន្ដថា «ទាំងការបិទផ្លូវសេដ្ឋកិច្ច និងការឡោមព័ទ្ធផ្នែកថាមពល ក៏ដូចជាវិធានការបង្ខិតបង្ខំក្រៅទឹកដីថ្មី ការគំរាមកំហែងនៃការវាយប្រហារដោយយោធា និងការឈ្លានពាន គឺជាឧក្រិដ្ឋកម្មអន្តរជាតិ»។
ថ្លែងក្នុងព្រឹត្តិការណ៍ថ្មីៗមួយនៅទីក្រុង Palm Beach រដ្ឋ Florida ប្រធានាធិបតីអាមេរិក លោក ដូណាល់ ត្រាំ បានឧ្យដឹងថា សហរដ្ឋអាមេរិក នឹងគ្រប់គ្រងប្រទេសគុយបា ស្ទើរតែភ្លាមៗ បន្ទាប់ពីបញ្ចប់ការងារ ដោយសំដៅទៅលើជម្លោះជាមួយអ៊ីរ៉ង់ នៅតំបន់មជ្ឈិមបូព៌ា៕
ប្រែសម្រួល ឈូក បូរ៉ា
