លោក ដូណាល់ ត្រាំ អះអាងថា សហរដ្ឋអាមេរិក កំពុងតាមដានយ៉ាងដិត ដល់នូវសារធាតុអ៊ុយរ៉ាញ៉ូមអ៊ីរ៉ង់ ដែលកប់ក្រោមគំនរបាក់បែក
វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានឧ្យដឹងថា សហរដ្ឋអាមេរិកកំពុងតាមដានអ៊ុយរ៉ាញ៉ូម ដែលសម្បូរទៅដោយជាតិអ៊ីរ៉ង់ ដែលកប់នៅ ក្រោមគំនរបាក់បែក ហើយកងកម្លាំងអវកាសអាមេរិក ទទួលបន្ទុកលើបញ្ហានេះ។
ប្រសិនបើនរណាម្នាក់ចូលទៅជិតអ៊ុយរ៉ាញ៉ូមអ៊ីរ៉ង់ដែលចម្រាញ់រួច សហរដ្ឋអាមេរិកនឹងដឹងអំពីវា ហើយ “បំផ្ទុះវាចោល” លោក ត្រាំ បានឧ្យដឹងនៅ ក្នុងបទសម្ភាសន៍ជាមួយអ្នកកាសែតឯករាជ្យ Sharyl Attkisson ដែលត្រូវបានថតកាលពី សប្តាហ៍មុន និងចាក់ផ្សាយនៅថ្ងៃអាទិត្យ។
លោក ត្រាំ បានអះអាងថា វានឹងចំណាយពេលត្រឹមតែពីរសប្តាហ៍ទៀតប៉ុណ្ណោះ សម្រាប់កងកម្លាំងអាមេរិកដើម្បីវាយប្រហារ “គ្រប់គោលដៅទាំងអស់” នៅក្នុងប្រទេសអ៊ីរ៉ង់ ដែលលោកបានអះអាងថា “ត្រូវបានកម្ចាត់ដោយយោធា”។
លោកបានលេីកឡេីងថា “យើងអាចចូលទៅរយៈពេលពីរសប្តាហ៍ទៀត ហើយធ្វើគ្រប់គោលដៅទាំងអស់។ យើងមានគោលដៅជាក់លាក់ដែលយើងចង់ ហើយយើងបានធ្វើប្រហែលជា ៧០ភាគរយនៃពួកវា ប៉ុន្តែយើងមានគោលដៅផ្សេងទៀត ដែលយើងអាចវាយប្រហារបាន”។
ទីភ្នាក់ងារសារព័ត៌មានផ្លូវការរបស់អ៊ីរ៉ង់ IRNA បានរាយការណ៍ថា ការឆ្លើយតបរបស់អ៊ីរ៉ង់ចំពោះអត្ថបទចុងក្រោយបំផុត ដែលសហរដ្ឋអាមេរិក បានស្នើឡើង សម្រាប់ការបញ្ចប់សង្គ្រាម ត្រូវបានផ្ញើនៅថ្ងៃអាទិត្យទៅកាន់ប្រទេសប៉ាគីស្ថាន ដែលជាអ្នកសម្របសម្រួល៕
ប្រែសម្រួល ឈូក បូរ៉ា
