លោក Xi សន្យាថា នឹងមិនផ្គត់ផ្គង់ជំនួយយោធា ទៅឲ្យប្រទេស អ៊ីរ៉ង់នោះទេ
បរទេស ៖ យោងតាមការចេញផ្សាយរបស់ RT ប្រធានាធិបតីអាមេរិក លោក Donald Trump បាននិយាយថា ប្រធានាធិបតីចិន លោក Xi Jinping បានសន្យាជាមួយគាត់ថា ចិននឹងមិនបញ្ជូនជំនួយយោធា ទៅប្រទេសអ៊ីរ៉ង់ទេ។
មេដឹកនាំទាំងពីរបានជួបពិភាក្សាគ្នា ក្នុងទីក្រុងប៉េកាំង កាលពីថ្ងៃព្រហស្បតិ៍ ដែលជាដំណើរទស្សនកិច្ចលើកដំបូងរបស់ប្រធានាធិបតីអាមេរិកទៅកាន់ប្រទេសចិន ចាប់តាំងពីឆ្នាំ ២០១៧។
ក្រុមមន្ត្រីអាមេរិកបានព្យាយាម បញ្ចុះបញ្ចូល ប្រទេសចិន ឱ្យជួយដាក់សម្ពាធលើអ៊ីរ៉ង់ ឱ្យយល់ព្រមតាមលក្ខខណ្ឌ សន្តិភាព របស់សហរដ្ឋអាមេរិក និងបើកច្រកសមុទ្រ Hormuz ឡើងវិញ ដែលក្រុងតេអេរ៉ង់បានបិទមួយរយៈមកហើយ ដើម្បីឆ្លើយតបទៅនឹងការវាយប្រហារតាមអាកាស របស់សហរដ្ឋអាមេរិក និងអ៊ីស្រាអែល។
លោក Trump បានប្រាប់ Fox News ថា៖គាត់បាននិយាយថាគាត់នឹងមិនផ្តល់ឧបករណ៍យោធាទេ។ នោះគឺជាសេចក្តីថ្លែងការណ៍ដ៏ធំមួយ ។ លោកបានបន្ថែមថា ចិនចង់ឱ្យច្រកសមុទ្រ Hormuz នៅតែបើកចំហ ដោយសារប្រទេសនេះក៏ជាអញនកនាំចូលប្រេងពីតំបន់ផងដែរ។
រដ្ឋមន្ត្រីការបរទេសអាមេរិក លោក Marco Rubio បានប្រាប់ NBC News ដែរថា ៖ ភាគីចិនបាននិយាយថា ពួកគេមិនពេញចិត្តនឹងការធ្វើយោធា នៅច្រកសមុទ្រ Hormuzទេ ។ លោកបានបន្ថែមថា រដ្ឋាភិបាលក្រុងប៉េកាំងមិនគាំទ្រអ៊ីរ៉ង់ក្នុងការដំឡើងប្រាក់ឈ្នួលលើកប៉ាល់ ដែលឆ្លងកាត់ផ្លូវទឹកនោះទេ ៕
ប្រែសម្រួល៖ស៊ុនលី
