បទវិភាគ ៖ ខិតខំចារទំព័រថ្មី នៃការផ្តល់ផលប្រយោជន៍ ដល់គ្នាទៅវិញទៅមក និងឈ្នះ-ឈ្នះ តាមរយៈឥរិយាបថ ឆ្ពោះទៅរកភាពថ្មី
ក្នុងបរិបទបច្ចុប្បន្នដែលបម្រែបម្រួលនិម្មាបនកម្មពុំធ្លាប់មានក្នុងរយៈពេល ១ រយឆ្នាំ មានសភាពកាន់តែខ្លាំងឡើងៗនិងនវានុវត្តន៍ផ្នែកបច្ចេកវិទ្យាត្រូវបានជំរុញយ៉ាងលឿន តើការអភិវឌ្ឍសេដ្ឋកិច្ចត្រូវក្តាប់ជាប់និន្នាការថ្មីតាមរបៀបណា ? តើកិច្ចសហប្រតិបត្តិការខាងសេដ្ឋកិច្ចនិងពាណិជ្ជកម្មសកលនឹងឆ្ពោះទៅរកនវានុវត្តន៍តាមរបៀបណា ?
នាពេលថ្មីៗកន្លងទៅនេះ នៅក្នុងកិច្ចប្រជុំកំពូលស្តីពីការជំរុញពាណិជ្ជកម្មនិងវិនិយោគសកលឆ្នាំ ២០២៦ ដែលបានរៀបចំដោយក្រុមប្រឹក្សាចិនសម្រាប់ការជំរុញពាណិជ្ជកម្មអន្តរជាតិ ភ្ញៀវកិត្តិយសជាតិនិងអន្តរជាតិជាង ៨០០ រូបដែលមកពីប្រទេសនិងតំបន់ចំនួន ៥១ បានជួបជុំគ្នាដើម្បីរួមគ្នាពិគ្រោះពិភាក្សាអំពីកាលានុវត្តភាពថ្មីរបស់ចិនក្នុងការផ្តល់ផលប្រយោជន៍ដល់គ្នាទៅវិញទៅមកនិងឈ្នះ-ឈ្នះជុំវិញក្រោមប្រធានបទ”ឆ្ពោះទៅរកភាពថ្មីនិងតភ្ជាប់អនាគត ”។
លោកស្រី Yolanda Díaz Pérez ឧបនាយករដ្ឋមន្ត្រីទីពីររបស់អេស្ប៉ាញបានលើកឡើងក្នុងពិធីបើកថា ប្រទេសចិនបាននាំមុខគេក្នុងវិស័យថាមពល PV រថយន្តអគ្គិសនី និងមនុស្សយន្ត ។ សហភាពអឺរ៉ុបនិងប្រទេសចិនគួរបន្តពួតដៃគ្នាដើម្បីឆ្លើយតបនឹងបញ្ហាប្រឈមសំខាន់ៗជាសកល បង្កើនកិច្ចសហប្រតិបត្តិការ ជាក់ស្តែងដ៏មេត្រីភាពតាមរយៈកិច្ចសន្ទនានិងការពិគ្រោះពិភាក្សា ដើម្បីសម្រេចបាននូវពាណិជ្ជកម្មទ្វេភាគីដែលកាន់តែមានតុល្យភាពនិងកាន់តែមាននិរន្តរភាព ។
លោក Stephen Jackson អ្នកសម្របសម្រួលនៃអង្គការសហប្រជាជាតិប្រចាំនៅប្រទេសចិនបានថ្លែងថា ទំហំទីផ្សារដ៏ធំធេង ប្រព័ន្ធឧស្សាហកម្មដ៏ល្អពេញលេញនិងកម្លាំងជាក់ស្តែងផ្នែកនវានុវត្តន៍ឌីជីថលដែលឈានមុខគេរបស់ប្រទេសចិនព្រមទាំងកិច្ចសហប្រតិបត្តិការដែលមានភាពកាន់តែជិតស្និទ្ធជាមួយប្រទេសកំពុងអភិវឌ្ឍន៍បានបន្តបង្កើតការលានុវត្តភាពអភិវឌ្ឍន៍ដ៏ទូលំទូលាយសម្រាប់ការអភិវឌ្ឍរួមជាសកល ។
ពាណិជ្ជកម្មសេវាកម្មគឺជាផ្នែកដ៏សំខាន់នៃពាណិជ្ជកម្មសកលនិងជាវិស័យដ៏សំខាន់នៃកិច្ចសហប្រតិបត្តិការផ្នែកសេដ្ឋកិច្ចនិងពាណិជ្ជកម្មអន្តរជាតិ ។ ការបើកទូលាយចំពោះអន្តរជាតិជុំថ្មីរបស់ប្រទេសចិនបានពន្លឿនការឆ្ពោះទៅរកឧស្សាហកម្មសេវាកម្ម ។
លោក Craig Allen អតីតប្រធានគណៈកម្មាធិការពាណិជ្ជកម្មរវាងអាមេរិកនិងចិនទូទាំងសហរដ្ឋអាមេរិកនិងជាទីប្រឹក្សាជាន់ខ្ពស់នៃក្រុមហ៊ុន Cohen របស់អាមេរិកបានថ្លែងថា ទីផ្សារក្នុងស្រុកដ៏ខ្លាំងក្លានិងសក្តានុពលនៃតម្រូវការក្នុងស្រុករបស់ចិនដែលត្រូវបានបញ្ចេញជាបន្តបន្ទាប់មិនត្រឹមតែពាក់ព័ន្ធដល់ការអភិវឌ្ឍសេដ្ឋកិច្ចរបស់ចិនប៉ុណ្ណោះទេ ប៉ុន្តែថែមទាំងពាក់ព័ន្ធដល់ភាពរឹងមាំនៃប្រព័ន្ធពាណិជ្ជកម្មសកលផងដែរ ។ បច្ចុប្បន្ននេះ អ្នកប្រើប្រាស់របស់ចិនរំពឹងទុកថា នឹងទទួលបានផលិតផលដែលប្រកបដោយគុណភាពកាន់តែខ្ពស់និងសេវាកម្មកដែលប្រកបដោយកម្រិតកាន់តែខ្ពស់ នេះបាននាំមកនូវកាលានុវត្តភាពអភិវឌ្ឍន៍ដ៏ទូលំទូលាយសម្រាប់សហគ្រាសពាហុជាតិទូទាំងពិភពលោក ។
សម្លឹងមើលទៅកាន់មជ្ឈដ្ឋានឧស្សាហកម្មនិងពាណិជ្ជកម្មសកល ក្នុងអំឡុងពេលកិច្ចប្រជុំកំពូលនេះក៏បានប្រកាសពី«គំនិតផ្តួចផ្តើមទីក្រុងប៉េកាំងនៃកិច្ចប្រជុំកំពូលស្តីពីការជំរុញពាណិជ្ជកម្មនិងការវិនិយោគសកល ឆ្នាំ២០២៦ »ផងដែរ ដែលបូករួមទាំង៖ពូនជ្រំកម្លាំងផលិតកម្មគុណភាពថ្មីដើម្បីពង្រីកចន្លោះអភិវឌ្ឍន៍ថ្មីសម្រាប់កំណើនសេដ្ឋកិច្ចសកល។ ជំរុញការបើកទូលាយនិងកិច្ចសហប្រតិបត្តិការក្នុងវិស័យខ្សែសង្វាក់ឧស្សាហកម្មនិងខ្សែសង្វាក់ផ្គត់ផ្គង់ដើម្បីកសាងប្រព័ន្ធអេកូឡូស៊ីនៃឧស្សាហកម្មសកលដែលប្រកបដោយសុវត្ថិភាព ស្ថិរភាព ភាពរលូននិងប្រសិទ្ធភាពខ្ពស់ ។ ផ្តល់កម្លាំងចលករដល់កិច្ចសហប្រតិបត្តិការផ្នែកសេដ្ឋកិច្ចនិងពាណិជ្ជកម្មតាមរយៈបញ្ញាសិប្បនិម្មិតដើម្បីរួមគ្នាកសាងប្រព័ន្ធអេកូឡូស៊ីបែបថ្មីសម្រាប់ការអភិវឌ្ឍឌីជីថលនិងឆ្លាតវៃ ។ជំរុញភាពបន្ស៊ីគ្នាយ៉ាងស៊ីជម្រៅរវាងឧស្សាហកម្មសេវាកម្មនិងឧស្សាហកម្មកម្មន្តសាលដើម្បីដឹកនាំការលើកកម្ពស់គុណភាពនិងលំដាប់ថ្នាក់នៃប្រព័ន្ធឧស្សាហកម្មសកល ។ ធ្វើឱ្យស៊ីជម្រៅនូវកិច្ចសហប្រតិបត្តិការនៃមជ្ឈដ្ឋានឧស្សាហកម្មនិងពាណិជ្ជកម្មសកលដើម្បីជំរុញការអភិវឌ្ឍសកលជានិរន្តរភាព ។
លោក Ren Hongbin ប្រធានក្រុមប្រឹក្សាចិនសម្រាប់ការជំរុញពាណិជ្ជកម្មអន្តរជាតិបានថ្លែងថា ក្រុមប្រឹក្សាចិនសម្រាប់ការជំរុញពាណិជ្ជកម្មអន្តរជាតិនឹងបន្តពង្រីកតួនាទីរបស់ខ្លួន ដើម្បីបង្កើតជាវេទិកាសម្រាប់ជំរុញសេដ្ឋកិច្ចនិងពាណិជ្ជកម្មកាន់តែច្រើនដែលប្រកបដោយភាពជាក់ស្តែងនិងមានប្រសិទ្ធភាព ពង្រីកក្រុមមិត្តភក្តិលើឆាកអន្តរជាតិ ក្នុងន័យរួមចំណែកថ្មីសម្រាប់ជំរុញការបើកទូលាយចំពោះអន្តរជាតិប្រកបដោយកម្រិតខ្ពស់របស់ប្រទេសចិន ៕
