គណបក្សកាន់អំណាចកូរ៉េខាងត្បូង ឈ្នះការបោះឆ្នោតក្នុងស្រុក យ៉ាងសន្ធឹកសន្ធាប់
សេអ៊ូល៖ គណបក្សប្រជាធិបតេយ្យ សេរីដែលកំពុងកាន់អំណាចរបស់ប្រទេសកូរ៉េខាងត្បូង ឈ្នះការបោះឆ្នោតក្នុងស្រុក យ៉ាងសន្ធឹកសន្ធាប់ នេះបើយោងតាមទិន្នន័យឃ្លាំមើល ការបោះឆ្នោត បានបង្ហាញកាលពីថ្ងៃព្រហស្បតិ៍។
ដោយសន្លឹកឆ្នោតស្ទើរ តែទាំងអស់ត្រូវបានរាប់ គណបក្សប្រជាធិបតេយ្យបានឈ្នះ ១២ ក្នុងចំណោម ១៦ ការប្រកួតប្រជែង សម្រាប់អភិបាលក្រុង និងអភិបាលខេត្ត រួមទាំងខេត្ត Gyeonggi ទីក្រុងកំពង់ផែភាគខាងលិច Incheon ទីក្រុងកំពង់ផែភាគអាគ្នេយ៍ Busan ក៏ដូចជាខេត្ត South Jeolla និងខេត្ត North Jeolla ដែលជាទឹកដីកំណើតរបស់ប្លុកសេរី នេះបើយោងតាមគណៈកម្មការរៀបចំការបោះឆ្នោតជាតិ។
គណបក្សប្រឆាំងអភិរក្សនិយមដ៏សំខាន់ គឺគណបក្សអំណាចប្រជាជន បានធានាបាននូវការប្រកួតប្រជែង ចំនួនបួនដែលនៅសល់សម្រាប់អភិបាលក្រុង និងអភិបាលខេត្ត រួមទាំងរដ្ឋធានីសេអ៊ូល ទីក្រុង Daegu ភាគអាគ្នេយ៍ ក៏ដូចជាខេត្ត South Gyeongsang និង North Gyeongsang ដែលជាបន្ទាយសម្រាប់ប្លុកអភិរក្សនិយម។
គណបក្សប្រជាធិបតេយ្យទទួលបានអាសនៈសភាចំនួនប្រាំបួនក្នុងចំណោមការបោះឆ្នោតបំពេញបន្ថែមចំនួន ១៤ ហើយគណបក្សអំណាចប្រជាជនទទួលបានបួន។ បេក្ខជនឯករាជ្យម្នាក់ត្រូវបានជាប់ឆ្នោតនៅទីក្រុង Busan។ ការបោះឆ្នោតក្នុងស្រុកត្រូវបានគេមើលឃើញយ៉ាងទូលំទូលាយថាជាការបោះឆ្នោតផ្តល់ទំនុកចិត្តដល់រដ្ឋាភិបាលរបស់លោកប្រធានាធិបតី Lee Jae Myung ដែលបានចូលដល់ឆ្នាំទីពីររបស់ខ្លួន។
ដោយសារប្រជាប្រិយភាពរបស់លោក Lee គណបក្សប្រជាធិបតេយ្យបានបង្ហាញ ពីភាពលេចធ្លោទូទាំងប្រទេស នៅក្នុងការបោះឆ្នោតដែលប្រារព្ធឡើងរៀងរាល់ ៤ឆ្នាំម្តង។ ការស្ទង់មតិដោយក្រុមហ៊ុនស្ទង់មតិក្នុងស្រុក Realmeter បានបង្ហាញថា ចំណាត់ថ្នាក់គាំទ្ររបស់លោក Lee នៅតែមានស្ថេរភាពប្រហែល ៦០ ភាគរយក្នុងរយៈពេលប៉ុន្មានខែថ្មីៗនេះ៕
ប្រែសម្រួល ឈូក បូរ៉ា
