EU អនុម័តទណ្ឌកម្មថ្មី គោលដៅអ៊ីរ៉ង់ និងដើម្បីជុំវិញបញ្ហា សន្តិសុខដែនសមុទ្រ
បរទេស៖ទីភ្នាក់ងារចិនស៊ិនហួចេញផ្សាយនៅថ្ងៃនេះបានឲ្យដឹងថា ប្រធានគោលនយោបាយការបរទេស របស់សហភាពអឺរ៉ុប លោកស្រី Kaja Kallas បាននិយាយថា សហភាពអឺរ៉ុប ហៅកាត់ថាEU កាលពីថ្ងៃចន្ទបានអនុម័ត ដាក់ទណ្ឌកម្មប្រឆាំង នឹងបុគ្គល និង អង្គភាពរបស់អ៊ីរ៉ង់ ជុំវិញការចោទប្រកាន់ថាបានរំខាន ដល់ចរាចរណ៍ផ្លូវសមុទ្រ តាមរយៈច្រកសមុទ្រ Hormuz ។
លោកស្រីKallas បានធ្វើសេចក្តីប្រកាសនៅក្នុង សន្និសីទសារព័ត៌មានមួយ បន្ទាប់ពីកិច្ចប្រជុំក្រៅផ្លូវការ របស់រដ្ឋមន្ត្រីការពារជាតិសហភាពអឺរ៉ុបនៅប្រទេស Cyprus។
លោកស្រីបាននិយាយថា សេរីភាពនៃការធ្វើនាវាចរណ៍កំពុងប្រឈមមុខនឹងសម្ពាធកើនឡើងជាសកល ជាពិសេសនៅច្រកសមុទ្រ Hormuz ជាកន្លែងដែលសកម្មភាព របស់អ៊ីរ៉ង់ និងសកម្មភាពយន្តហោះគ្មានមនុស្ស បើកបានចោទប្រកាន់ថាបានបង្កហានិភ័យដល់ការដឹកជញ្ជូនពាណិជ្ជកម្ម។
លោកស្រីបានបន្ថែមថា រដ្ឋមន្ត្រីសហភាពអឺរ៉ុប បានចាត់ទុកសកម្មភាពបែបនេះថាមិនអាចទទួលយកបាននោះឡើយ។
យោងតាមការបញ្ជាក់ បន្ថែមដោយលោកស្រី Kallas ការសម្រេចចិត្តនេះគឺ ជាលើកទីមួយហើយ ដែលសហភាពអឺរ៉ុប បានដំណើរការរបបទណ្ឌកម្មថ្មី របស់ខ្លួនក្នុងគោលបំណងការពារសេរីភាព នៃការធ្វើនាវាចរណ៍។ លោកស្រីបាននិយាយថាប្លុកនឹងមិនស្ទាក់ស្ទើរក្នុង ការប្រើយន្តការម្តងទៀតប្រសិនបើចាំបាច់៕
ប្រែសម្រួល៖ស៊ុនលី
