លោក ពូទីន បញ្ជាឱ្យមានការការពារ ហេដ្ឋារចនាសម្ព័ន្ធស៊ីវិល និងបន្ដបើកចំហ សម្រាប់ការចរចាសន្តិភាពជាមួយអ៊ុយក្រែន
មូស្គូ៖ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានឧ្យដឹងថា រដ្ឋាភិបាល និងក្រសួងការពារជាតិរុស្ស៊ី ត្រូវតែដាក់ចេញវិធានការ ដើម្បីកាត់បន្ថយផលវិបាកពីការវាយប្រហាររបស់អ៊ុយក្រែន ប្រឆាំងនឹងហេដ្ឋារចនាសម្ព័ន្ធស៊ីវិលរបស់រុស្ស៊ី ខណៈបន្ដបើកចំហ សម្រាប់ការចរចាសន្តិភាពជាមួយអ៊ុយក្រែន។
ក្នុងអំឡុងពេលសន្និសីទវីដេអូជាមួយសមាជិករដ្ឋាភិបាល លោក ពូទីន បានកត់សម្គាល់ថា ស្ថានភាពជួរមុខ សម្រាប់អ៊ុយក្រែន បានធ្លាក់ចុះយ៉ាងឆាប់រហ័ស ។ លោកថា ទីក្រុងគៀវបានអនុម័តយុទ្ធសាស្ត្រនៃ ការបើកការវាយប្រហារលើកន្លែងស៊ីវិល និង ហេដ្ឋារចនាសម្ព័ន្ធស៊ីវិលរបស់រុស្ស៊ី ក្នុងការប៉ុនប៉ងបង្កើតការគំរាមកំហែង ប្រឆាំងនឹងរុស្ស៊ី រំខានដល់ការផ្គត់ផ្គង់ថាមពល និងប៉ះពាល់ដល់រដូវកាលទេសចរណ៍។
លោក ពូទីន បានលេីកឡេីងថា “ការទទួលខុសត្រូវចម្បង សម្រាប់ការកាត់បន្ថយការគំរាមកំហែង ទាំងនេះស្ថិតនៅជាមួយក្រសួងការពារជាតិ និងភ្នាក់ងារសន្តិសុខផ្សេងទៀត។
ក្នុងពេលជាមួយគ្នានេះ រដ្ឋាភិបាលសហព័ន្ធរុស្ស៊ី ក៏ត្រូវតែចាត់វិធានការបន្ថែម ដើម្បីកាត់បន្ថយ និងកាត់បន្ថយផលវិបាកនៃសកម្មភាពបែបនេះឱ្យដល់សូន្យ” ដោយបន្ថែមថា ការវាយប្រហាររបស់អ៊ុយក្រែន ត្រូវបានរចនាឡើង ដើម្បីធានាបាននូវឥទ្ធិពលចរចាអំណោយផល សម្រាប់ខ្លួននៅក្នុងកិច្ចចរចាសន្តិភាព។
លោក ពូទីន បានកត់សម្គាល់ថា «វាគ្មានអ្វីក្រៅពីការបំផុសគំនិត ដែលបង្កើតឡើងអំពីអត្ថប្រយោជន៍នោះទេ ព្រោះការពិតជាក់ស្តែងនៅលើសមរភូមិបង្ហាញពីរូបភាពខុសគ្នាទាំងស្រុង»។
លោកបានសង្កត់ធ្ងន់ថា អ្វីដែលទីក្រុងគៀវបានធ្វើគឺ «ការវាយប្រហារភេរវកម្ម ការកំណត់គោលដៅលើ ហេដ្ឋារចនាសម្ព័ន្ធស៊ីវិល ដូចជារថយន្ដក្រុង ដែលដឹកកុមារបេឡារុស្ស និងសិកដ្ឋាននិស្សិតនៅ Starobelsk មិនអាចផ្លាស់ប្តូរ ឬជះឥទ្ធិពលដល់ការអភិវឌ្ឍនៅជួរមុខបាននោះទេ»៕
ប្រែសម្រួល ឈូក បូរ៉ា
