ធ្វើអាជីវកម្ម យ៉ាងស៊ីជម្រៅ នៅប្រទេសចិន ៖ ហេតុអ្វីបានជា ”ខ្សែសង្វាក់ចិន” បានក្លាយជាជម្រើសដ៏ចាំបាច់ ក្នុងការតភ្ជាប់ជាមួយអនាគត
នៅកន្លែងពិព័រណ៍ជំរុញខ្សែសង្វាក់ផ្គត់ផ្គង់ចិនអន្តរជាតិ លើកទី៤ បញ្ញាសិប្បនិម្មិត(AI)គឺជាចំណុចលេចធ្លោមួយក្នុងចំណោម ចំណុចលេចធ្លោធំៗបំផុត ៖ អាចឃើញមនុស្សយន្ត ដែលមានរូបរាងដូចមនុស្សនៅគ្រប់ទីកន្លែង ក្រុមហ៊ុន AI ឈានមុខគេមកពីប្រទេសចិន និងបរទេសបានបង្ហាញ សមិទ្ធផលទំនើបៗ ហើយពិព័រណ៍នេះបានរៀបចំប្លុកពិសេសសម្រាប់បញ្ញាសិប្បនិម្មិតជាលើកដំបូង…រលកច្នៃប្រឌិតថ្មីនេះបានទាក់ទាញក្រុមហ៊ុនពហុជាតិដែលចូលរួមពិព័រណ៍ជាបន្តបន្ទាប់ ។ ពិព័រណ៍ជំរុញខ្សែសង្វាក់ផ្គត់ផ្គង់ចិនអន្តរជាតិបានក្លាយជាវេទិកាសំខាន់សម្រាប់ទុនវិនិយោគពីបរទេសក្នុងការរួមបញ្ចូលទៅក្នុង ខ្សែសង្វាក់ច្នៃប្រឌិតថ្មី របស់ប្រទេសចិន ។
ការច្នៃប្រឌិតថ្មី គឺជាឧត្តមភាពដ៏លេចធ្លោ នៃខ្សែសង្វាក់ផ្គត់ផ្គង់របស់ប្រទេសចិន ហើយក៏ជាអ្វីដ៏សំខាន់សម្រាប់ក្រុមហ៊ុនពហុជាតិ តភ្ជាប់ជាមួយអនាគតផងដែរ ។ ភាពធន់យ៉ាងខ្លាំងក្លា ប្រព័ន្ធអេកូឡូស៊ីដ៏សម្បូរបែប និងកិច្ចសហប្រតិបត្តិការប្រកប ដោយភាពស៊ីសង្វាក់គ្នា គឺជាឧត្តមភាពដ៏លេចធ្លោនៃខ្សែសង្វាក់ផ្គត់ផ្គង់របស់ប្រទេសចិន ។
នៅសាលពិព័រណ៍ជំរុញខ្សែ សង្វាក់ផ្គត់ផ្គង់ចិនអន្តរជាតិ ការពិគ្រោះពិភាក្សាអំពីកិច្ចសហប្រតិបត្តិការ នៅតែបន្តទៅទៀត។ អ្នកទទួលខុសត្រូវ នៃក្រុមហ៊ុនពហុជាតិជាច្រើនបានថ្លែងថា “ខ្សែសង្វាក់ចិន” គឺជាជម្រើសដ៏ចាំបាច់របស់ពួកគេ ដើម្បីតភ្ជាប់ជាមួយអនាគត និងគ្រោងផែនការរយៈពេលវែង៕
