រុស្ស៊ី អះអាងពីការគ្រប់គ្រងទាំងស្រុងនៃ ទីក្រុងយុទ្ធសាស្រ្តមួយ នៅភាគខាងកើតអ៊ុយក្រែន
មូស្គូ៖ រុស្ស៊ី បានអះអាងថា កងកម្លាំងប្រដាប់អាវុធរបស់ខ្លួន បានគ្រប់គ្រងទីក្រុង Konstantinovka នៅភាគខាងកើតអ៊ុយក្រែន ទាំងស្រុង។
“ព័ត៌មានសំខាន់ គឺថា ទីក្រុង Konstantinovka ត្រូវបាន ដណ្តើមយកទាំងស្រុង នេះបេីតាមការលេីកឡេីង របស់អ្នកនាំពាក្យវិមានក្រឹមឡាំង លោក Dmitry Peskov ដែលត្រូវបានដកស្រង់សម្តីដោយ RIA Novosti។
គួរបញ្ជាក់ថា ទីក្រុង Konstantinovka គឺជាបន្ទាយសំខាន់មួយដែលមានទីតាំងនៅតំបន់ Donetsk របស់អ៊ុយក្រែន។
បន្ទាប់ពីការប្រកាសនេះ ប្រធានាធិបតីរុស្ស៊ី លោក វ្លាឌីមៀ ពូទីន បានឧ្យដឆងថា ការដណ្តើមយកទីក្រុង Konstantinovka “មានសារៈសំខាន់ជាយុទ្ធសាស្ត្រយ៉ាងខ្លាំង” ខណៈពេលដែលកំពុងទៅទស្សនាប៉ុស្តិ៍បញ្ជាការបណ្ដោះអាសន្នមួយរបស់ក្រុមកម្លាំងរួមនៅថ្ងៃសុក្រ។
លោកបានលេីកឡេីងថា “ដូចដែលយើងទាំងអស់គ្នាដឹងហើយថា ទីក្រុងនេះ គឺជាមជ្ឈមណ្ឌលដឹកជញ្ជូនដ៏សំខាន់ និងជាមជ្ឈមណ្ឌលឧស្សាហកម្ម ដ៏សំខាន់របស់តំបន់ Donbas” ដោយបន្ថែមថា កងកម្លាំងរុស្ស៊ីបានគ្រប់គ្រង ការតាំងទីលំនៅចំនួន ១៣៣ និងផ្ទៃដីជាង ៣០០០គីឡូម៉ែត្រការ៉េនៅទូទាំង តំបន់ Donbas និង Novorossiya ចាប់តាំងពីដើមឆ្នាំ២០២៦៕
ប្រែសម្រួល ឈូក បូរ៉ា
