នាវាចម្បាំង ជាច្រើនគ្រឿង របស់រុស្សីធ្វើដំណើរមកដល់ដែនសមុទ្រចិន ដើម្បីចូលរួមសមយុទ្ធយោធា ដែលមានរយៈពេល១សប្តាហ៍
បរទេស៖យោងតាមការចេញផ្សាយរបស់ RT ក្រសួងការពារជាតិ របស់ប្រទេសរុស្សីបាននិយាយកាលពីថ្ងៃអាទិត្យម្សិលមិញថា នាវាចម្បាំងរបស់កងនាវាចរ ប៉ាស៊ីហ្វិករបស់រុស្ស៊ី បានមកដល់កំពង់ផែ Qingdao របស់ចិនសម្រាប់សមយុទ្ធកងទ័ពជើងទឹករួមគ្នាប្រចាំឆ្នាំមួយ ។
ក្រសួងបាននិយាយថា កងទ័ពជើងទឹកទាំងពីរ ដែលគាំទ្រដោយអាកាសចរណ៍ នឹងធ្វើប្រតិបត្តិការ ស្វែងរក និងជួយសង្គ្រោះ សមយុទ្ធប្រឆាំងនាវាមុជទឹក និងការពារដែនអាកាស និងសមយុទ្ធបាញ់ គ្រាប់ពិតផងដែរ។
វីដេអូដែលចេញផ្សាយដោយក្រសួង បង្ហាញពីការបំបែកនាវា នៃកងនាវាចរប៉ាស៊ីហ្វិករបស់រុស្ស៊ីដែលបានធ្វើដំណើរមកដល់កំពង់ផែ ។ វិដេអូក៏បានបង្ហាញអំពីពិធីស្វាគមន៍ ជាផ្លូវការផងដែរ ដែលនាវិកមកពីប្រទេសទាំងពីរបានផ្លាស់ប្តូរការចាប់ដៃគ្នានិងពិធីផ្សេងទៀត។
ក្រសួងការពារជាតិចិន បាននិយាយកាលពីថ្ងៃអាទិត្យថា សមយុទ្ធនេះគឺជាផ្នែកមួយនៃផែនការសហប្រតិបត្តិការប្រចាំឆ្នាំ រវាងយោធាទាំងពីរ ហើយមានគោលបំណងរួមគ្នាដោះស្រាយបញ្ហាប្រឈម ផ្នែកសន្តិសុខ និងរក្សាសន្តិភាព និងស្ថិរភាពក្នុងតំបន់។ វាក៏បានបន្ថែមថា កងកម្លាំងមួយចំនួន
ពីភាគីទាំងពីរនឹងធ្វើការល្បាតដែនសមុទ្រ រួមគ្នានៅក្នុងផ្នែកខ្លះនៃមហាសមុទ្រប៉ាស៊ីហ្វិក នៅបន្ទាប់ពីសមយុទ្ធនេះបញ្ចប់ ។
គួរឲ្យដឹងដែរថាសមយុទ្ធនេះធ្វើឡើងនៅក្រោយពេលដែលប្រទេសរុស្ស៊ីនិងចិនបានបញ្ជាក់ការប្តេជ្ញាចិត្តក្នុងការ
បន្តពង្រីកកិច្ចសហប្រតិបត្តិការយោធារួមនឹងទំនាក់ទំនងនយោបាយនិងសេដ្ឋកិច្ចកាន់តែរឹងម៉ាំងឡើងរវាងគ្នា៕
ប្រែសម្រួល៖ស៊ុនលី
