ពលរដ្ឋតួកគី ផ្ទុះការតវ៉ា ថ្កោលទោសការជំរុញ របស់អង្គការណាតូ សម្រាប់ការបង្កេីនថវិកាយោធា មុនកិច្ចប្រជុំកំពូល
អ៊ីស្តង់ប៊ុល៖ ខណៈដែលប្រទេសតួកគី កំពុងរៀបចំធ្វើជាម្ចាស់ផ្ទះនៃកិច្ចប្រជុំកំពូលណាតូនៅថ្ងៃទី ៧-៨ខែកក្កដា ក្រុមបាតុកររាប់ពាន់នាក់ បានចេញតាមដងផ្លូវនៅទីក្រុងអ៊ីស្តង់ប៊ុល អង់ការ៉ា និងអ៊ីសមីរ កាលពីចុងសប្តាហ៍ ដើម្បីថ្កោលទោសការជំរុញ របស់សម្ព័ន្ធមិត្តសម្រាប់ការចំណាយ លើការការពារជាតិខ្ពស់ជាងមុន។
ក្រុមបាតុករបានកាន់បដា ដែលសរសេរថា “ណាតូចង់បានសង្គ្រាម កម្មករចង់បានសន្តិភាព ថវិកាសម្រាប់ប្រជាជន មិនមែនសម្រាប់ណាតូនោះទេ និងនិយាយថាទេចំពោះណាតូ និយាយថាទេចំពោះសង្គ្រាម” ខណៈពេលដែលស្រែកពាក្យស្លោកប្រឆាំងនឹងសម្ព័ន្ធមិត្ត។
នៅទីក្រុងអ៊ីស្តង់ប៊ុល កម្មករ ជនស៊ីវិល និងសមាជិកនៃគណបក្សនយោបាយបានចូលរួមការជួបជុំធំៗទាំងនៅអឺរ៉ុប និងអាស៊ីនៃទីក្រុងនានា ដោយសម្តែងការប្រឆាំងរបស់ពួកគេចំពោះសម្ពាធរបស់ណាតូ លើរដ្ឋជាសមាជិកក្នុងការបង្កើនការចំណាយលើយោធា។
ក្នុងអំឡុងពេលបាតុកម្មមួយដែលរៀបចំឡើងដោយសហព័ន្ធសហជីពជឿនលឿននៃប្រទេសតួកគី លោក Arzu Cerkezoglu បានឧ្យដឹងថា ការពង្រីកថវិកាសង្គ្រាមគំរាមកំហែងដល់សន្តិសុខសង្គម និងដាក់បន្ទុកសេដ្ឋកិច្ចកាន់តែធ្ងន់លើប្រជាជនសាមញ្ញ។
លោក Cerkezoglu បានលេីកឡេីងថា “យើងចង់បានការងារបន្ថែមទៀត មិនមែនអាវុធបន្ថែមទៀតទេ។ យើងចង់បានសាលារៀនបន្ថែមទៀត មិនមែនមីស៊ីលបន្ថែមទៀតទេ។ យើងចង់បានមន្ទីរពេទ្យបន្ថែមទៀត មិនមែនការចំណាយយោធាបន្ថែមទៀតទេ”៕
