ការប្រើប្រាស់រថយន្តប្រើអគ្គិសនី, ប្រើហ្គាស និងរថយន្ត hybrid នៅឥណ្ឌា ឡើងដល់កំណត់ត្រា បន្ទាប់ពីសង្គ្រាមអ៊ីរ៉ង់ បង្កឱ្យមានការកើនឡើងតម្លៃប្រេងឥន្ធនៈ
បរទេស៖ ប្រធានស្ថាប័នអ្នកចែកចាយ រថយន្តរបស់ប្រទេសឥណ្ឌា បាននិយាយថា ចំណង់ចំណូលចិត្ត របស់ប្រទេសឥណ្ឌា ចំពោះរថយន្តអគ្គិសនី រថយន្ត hybrid និងរថយន្តប្រើហ្គាសធម្មជាតិ បានបង្ហាញពីការកើនឡើង បន្ទាប់ពីសង្គ្រាមអ៊ីរ៉ង់បានបង្កឱ្យមាន ការកើនឡើងនៃតម្លៃប្រេងឥន្ធនៈ ដោយម៉ូដែលបែបនេះឈាន ដល់ចំណែកកំណត់ត្រានៃការលក់ រថយន្តដឹកអ្នកដំណើរក្នុងខែមិថុនា។
យោងតាមសារព័ត៌មាន រ៉យទ័រ ចេញផ្សាយនៅថ្ងៃទី៧ ខែកក្កដា ឆ្នាំ២០២៦ថា រថយន្តប្រើប្រេងឥន្ធនៈមានចំនួន 40.35% នៃការលក់រាយសម្រាប់រថយន្តដឹកអ្នកដំណើរ ក្នុងខែមិថុនា កើនឡើងពីប្រហែល 38% កាលពីមួយខែមុន ខណៈដែលអ្នកប្រើប្រាស់កាន់តែស្វែងរកថ្លៃដើមប្រតិបត្តិការថោកជាង បន្ទាប់ពីតម្លៃប្រេងសាំង និងប្រេងម៉ាស៊ូតត្រូវបានដំឡើងច្រើនដងក្នុងខែឧសភា។
លោក C.S. Vigneshwar ប្រធានសហព័ន្ធសមាគមអ្នកចែកចាយរថយន្ត (FADA) បានប្រាប់សារព័ត៌មាន រ៉យទ័រ កាលពីថ្ងៃចន្ទថា “យើងត្រូវតាមដានថាតើនេះជាប្រតិកម្មភ្លាមៗពីអតិថិជន ឬថាតើកំណើននេះនឹងបន្តឬអត់”។
ការលក់រថយន្តសរុបបានកើនឡើង 21.8% ដល់កំណត់ត្រា 2.6 លានគ្រឿង ដោយការលក់រថយន្តដឹកអ្នកដំណើរ កើនឡើង 28.6% ធៀបនឹងឆ្នាំមុន ដល់ 410,853 គ្រឿង។
ក្នុងចំណោមរថយន្តដឹកអ្នកដំណើរ, ម៉ូដែល CNG មានចំនួន 24.3% នៃការលក់សរុប ខណៈដែលរថយន្ត hybrids មានចំនួន 8.3% និងរថយន្តអគ្គិសនីមានចំនួន 7.8%។
ប្រែសម្រួលៈ ណៃ តុលា
