លោកស្រី Le Pen ប្រកាសនឹងចូលរួមប្រកួតប្រជែង តំណែងប្រធានាធិបតីបារាំង ម្តងទៀត
បរទេស ៖ យោងតាមការចេញផ្សាយរបស់ RT អ្នកនយោបាយបារាំង ជើងចាស់លោកស្រី Marine Le Pen
បានប្រកាសថាលោកស្រីនឹង ឈរឈ្មោះជាប្រធានាធិបតីនៅឆ្នាំ២០២៧ បន្ទាប់ពីតុលាការឧទ្ធរណ៍បានកាត់បន្ថយ
ការហាមឃាត់ក្នុងការកាន់តំណែងជាប់ឆ្នោតកាលពីឆ្នាំមុន ខណៈដែលបានរក្សាការផ្តន្ទាទោស របស់នាងជុំវិញការ
ប្រើប្រាស់មូលនិធិសភាអឺរ៉ុប មានភាពខុសឆ្គង ។
បេក្ខភាពប្រធានាធិបតីបីសម័យកាល ដែលបានឈានដល់ការប្រកួតប្រជែងចុងក្រោយនៅឆ្នាំ២០១៧និង ២០២២
លោកស្រី Le Pen រូបនេះត្រូវបានគេមើលឃើញយ៉ាងទូលំទូលាយថាជាអ្នកនាំមុខគេក្នុងការស្នងតំណែងប្រធានាធិបតី
Emmanuel Macron មុនពេលការកាត់ទោសកាលពីឆ្នាំមុនបានដកលោកស្រីចេញពីការប្រកួតទាំងដែលោកស្រី
បានបដិសេធរាល់ការប្រព្រឹត្តខុស។
កាលពីថ្ងៃអង្គារ សាលាឧទ្ធរណ៍ទីក្រុងប៉ារីសបានតម្កល់ការផ្តន្ទាទោសរបស់លោកស្រី Le Pen ប៉ុន្តែបានកាត់បន្ថយការ
ហាមឃាត់រយៈពេល៥ឆ្នាំរបស់នាងក្នុងការកាន់តំណែងជាប់ឆ្នោតមកត្រឹម៤៥ខែ ដោយត្រូវផ្អាករយៈពេល៣០ខែ ដែលធ្វើ
អោយនាងមានសិទ្ធិឈរឈ្មោះនៅឆ្នាំ ២០២៧ជាមួយនឹងប្រាក់ពិន័យ១១៤០០០ ដុល្លារ។
ចៅក្រមបាននិយាយថាលោកស្រី Le Pen បានទទួលយកការហាមឃាត់រួចហើយចាប់តាំងពីថ្ងៃទី៣១ខែមីនា ឆ្នាំ ២០២៥
ហើយបានចាត់ទុកពេលវេលានោះនៅពេលកាត់បន្ថយការរឹតបន្តឹង។
គួរឲ្យដឹងដែរថាសំណុំរឿងនេះ ផ្តោតលើមូលនិធិសភាអ៊ឺរ៉ុប ដែលមានបំណងសម្រាប់ជំនួយការសភា ដែលតុលាការបានរកឃើញថា
ជំនួសមកវិញដើម្បីទូទាត់ប្រាក់ដល់បុគ្គលិកការជួបជុំជាតិ ដែលធ្វើការនៅប្រទេសបារាំង។ សេចក្តីសម្រេចបាននិយាយថា
គម្រោងនេះបានធ្វើឲ្យសភាអឺរ៉ុប ខាតបង់ចំនួន ២,៨ លានអឺរ៉ូ៕
ប្រែសម្រួល៖ស៊ុនលី
