ពិធីផ្សព្វផ្សាយសៀវភៅ《លោក Xi Jinping ៖អភិបាលកិច្ចប្រទេសចិន》ភាគទី៥បានប្រារព្ធធ្វើនៅក្រុង Bishkek ប្រទេសកៀហ្ស៊ីស៊ីស្ថាន
កាលពីថ្ងៃទី១៣ខែកក្កដា ពិធីផ្សព្វផ្សាយសៀវភៅ《លោក Xi Jinping ៖អភិបាលកិច្ចប្រទេសចិន》ភាគទី៥បានប្រារព្ធធ្វើនៅក្រុង Bishkek រដ្ឋធានីប្រទេសកៀហ្ស៊ីស៊ីស្ថាន ។ តំណាងប្រហែល៣រយរូបដែលមកពីគ្រប់មជ្ឈដ្ឋានដូចជា គណបក្សនយោបាយ ប្រព័ន្ធសារព័ត៌មាននិងធនាគារគំនិតជាដើមនៃប្រទេសទាំងពីរចិននិងកៀហ្ស៊ីស៊ីស្ថានបានធ្វើការផ្លាស់ប្តូរមតិយោបល់ជុំវិញបញ្ហាដូចជា ការរៀនសូត្រពីអរិយធម៌ទៅវិញទៅមក ការជំរុញការអភិវឌ្ឍនិងវិបុលភាព ការរួមគ្នាកសាង “ខ្សែក្រវាត់និងផ្លូវ”ប្រកបដោយគុណភាពខ្ពស់និងការកសាងសហគមន៍ជោគវាសនារួមសម្រាប់មនុស្សជាតិជាដើម ។
ភ្ញៀវកិត្តិយសដែលចូលរួមពិធីនេះបានសម្គាល់ឃើញថា សៀវភៅ《លោក Xi Jinping ៖អភិបាលកិច្ចប្រទេសចិន》ភាគទី៥បានអធិប្បាយជាប្រព័ន្ធអំពីទ្រឹស្តីនិងការអនុវត្តជាក់ស្តែងនៃការធ្វើទំនើបកម្មតាមបែបផែនចិនក្នុងដំណាក់កាលអភិវឌ្ឍន៍ថ្មី និងបង្ហាញយ៉ាងរស់រវើកនូវទស្សនទាននិងផែនការរបស់ចិនស្តីពីការជំរុញការកសាងសហគមន៍ជោគវាសនារួមសម្រាប់មនុស្សជាតិ ដែលមិនគ្រាន់តែជាស្នាដៃនិពន្ធដ៏មានកិត្យានុភាពសម្រាប់ស្វែងយល់ពីការធ្វើទំនើបកម្មតាមបែបផែនចិននិងប្រទេសចិននាពេលបច្ចុប្បន្នប៉ុណ្ណោះទេ ប៉ុន្តែក៏បានផ្តល់ជាឯកសារយោងដ៏សំខាន់សម្រាប់ប្រទេសទាំងពីរចិននិងកៀហ្ស៊ីស៊ីស្ថានធ្វើឱ្យស៊ីជម្រៅនូវការផ្លាស់ប្តូរបទពិសោធអភិបាលកិច្ចនិងបង្កើនការតភ្ជាប់គ្នាខាងយុទ្ធសាស្ត្រអភិវឌ្ឍន៍ផងដែរ ៕
