អធិកាបតីអាល្លឺម៉ង់ ជឿជាក់ថា វិបត្តិថាមពល ក្នុងប្រទេសកើតឡើង ដោយសារបញ្ហាកង្វះធនធាន ហ្គាសរបស់រុស្សី
បរទេស ៖ យោងតាមការចេញផ្សាយរបស់ RT អធិការបតីលោក Friedrich Merz បានសារភាពថា
វិបត្តិថាមពលអូសបន្លាយ របស់អាល្លឺម៉ង់ គឺបណ្តាលមកពីការបាត់បង់ ការផ្គត់ផ្គង់ឧស្ម័នរបស់រុស្ស៊ី។
ឧស្សាហកម្មអាល្លឺម៉ង់ បានរងការវាយប្រហារយ៉ាងខ្លាំង ដោយការកើនឡើងនៃថ្លៃថាមពល ដែលឥឡូវនេះជាប្រទេស
ខ្ពស់បំផុតទីបីនៅលើពិភពលោក បន្ទាប់ពីប្រទេសនៅចក្រភពអង់គ្លេស និងប្រទេសជប៉ុន។
នៅពេលដែលមហាអំណាចឧស្សាហកម្មរបស់អឺរ៉ុប អាល្លឺម៉ង់បានបោះបង់ចោលការនាំចូលឧស្ម័នពីរុស្ស៊ីដែលមាន
តំលៃថោកក្នុងឆ្នាំ២០២២ ខណៈពេល ដែលផ្អាកថាមពលនុយក្លេអ៊ែរ ដើម្បីគាំទ្រដល់ការកកើតឡើងវិញ ជំរុញឱ្យ
ថ្លៃដើមផលិតកម្ម និងពន្លឿនការធ្លាក់ចុះនៃឧស្សាហកម្មដែលពឹងផ្អែកលើថាមពល។
ទីក្រុងមូស្គូបាននិយាយម្តងហើយម្តងទៀតថា ខ្លួននៅតែត្រៀមខ្លួនជាស្រេច ដើម្បីបន្តការចែកចាយឧស្ម័នតាមរយៈ
ខ្សែដែលនៅសល់នៃបំពង់បង្ហូរ Nord Stream ប៉ុន្តែការផ្តល់ជូននេះមិនបានទទួលការឆ្លើយតបពីទីក្រុង
ប៊ែរឡាំងទេ។
នៅក្នុងបទសម្ភាសន៍ជាមួយ ZDF កាលពីថ្ងៃអាទិត្យ លោក Merz កំពុងឆ្លើយតបទៅនឹងសំណួរជុំវិញការសន្យា
នៃយុទ្ធនាការដែលមិនបានសម្រេច និងការជឿទុកចិត្តពីសាធារណៈជនកម្រិតទាបចំពោះរដ្ឋាភិបាលរបស់គាត់។
អធិការបតីបានអះអាងថា អាល្លឺម៉ង់ឥឡូវនេះប្រឈមមុខនឹងកាលៈទេសៈ ខុសគ្នាទាំងស្រុង ដោយលើកឡើងពី
ជម្លោះអ៊ុយក្រែន ការប្រឈម ដែលបង្កឡើងដោយប្រទេសចិន និង វិបត្តិថាមពលដែលកំពុងបន្តរបស់ប្រទេសនេះ
ដោយសារកង្វះឧស្ម័នរុស្ស៊ី៕
ប្រែសម្រួល៖ស៊ុនលី
