ទ័ពជើងទឹករុស្សី បង្កើនសមត្ថភាពវាយប្រហារ ដោយប្រភេទនាវាគ្មានអ្នកបើកបរ
បរទេស ៖ ទីភ្នាក់ងារចិនស៊ិនហួចេញផ្សាយនៅថ្ងៃនេះ បានឲ្យដឹងថា អគ្គមេបញ្ជាការកងទ័ពជើងទឹកលោក Alexander Moiseyev បាននិយាយកាលពីថ្ងៃអាទិត្យថា កងទ័ពជើងទឹករបស់រុស្ស៊ីកំពុងពង្រីកសមត្ថភាព គ្មានមនុស្សបើករបស់ខ្លួន បង្កើតនាវាចម្បាំងជំនាន់ថ្មី និងការជំរុញ
អាវុធយុទ្ធសាស្ត្រយោធា ។
ថ្លែងនៅលើប៉ុស្តិ៍ទូរទស្សន៍ Zvezda ក្នុងទិវាកងទ័ពជើងទឹក លោក Moiseyev បាននិយាយថា ប្រទេសរុស្ស៊ីបានបង្កើតកងវរសេនាធំទីមួយនៃ
ប្រព័ន្ធគ្មានមនុស្សបើកនៅក្នុងកងនាវាចរភាគខាងជើងរបស់ខ្លួននៅថ្ងៃទី១ខែកក្កដា ជាមួយនឹងកងវរសេនាធំទីពីរគ្រោងសម្រាប់កងនាវាចរប៉ាស៊ីហ្វិក
នៅឆ្នាំ២០២៧ ។
លោកបាននិយាយថា កងវរសេនាធំទី១ រួមមានផ្នែកពីរនៃនាវាលើផ្ទៃគ្មានមនុស្សបើក និងផ្នែកមួយនៃប្រព័ន្ធក្រោមទឹកគ្មានមនុស្សបើកផងដែរ។
លោក Moiseyev បាននិយាយថា ប្រទេសរុស្ស៊ីកំពុងអភិវឌ្ឍបណ្តាញកងទ័ពជើងទឹកគ្មានមនុស្សបើកធំជាងមុន រួមទាំងនាវាលើផ្ទៃគ្មានមនុស្សបើកទម្ងន់
៥០០តោន សម្រាប់បេសកកម្មស្វែងរកក្រោមទឹក។ គាត់ក៏បានប្រកាសអំពីផែនការសម្រាប់នាវាចម្បាំងទៅមហាសមុទ្រថ្មីដែលមានទម្ងន់៩៥០០តោន ដែលមានទំហំធំជាងនាវាចម្បាំង Project 22350 បច្ចុប្បន្នទៀតផង។
លោកបាននិយាយថា កងទ័ពជើងទឹករុស្ស៊ីមាននាវាផ្ទុកយន្តហោះគ្មានមនុស្សបើកដែលដើរដោយថាមពលនុយក្លេអ៊ែរ Poseidon រួចហើយនៅក្នុងសេវាកម្ម
ខណៈដែលនាវាផ្ទុកមីស៊ីលដឹកនាំដោយឧត្តមនាវីឯក Nakhimov កំពុងបញ្ចប់ការសាកល្បង ហើយនឹងចូលបម្រើនៅឆ្នាំនេះ៕
ប្រែសម្រួល៖ស៊ុនលី
