តម្លៃប្រេងធ្លាក់ចុះ ៧% ដល់កម្រិតទាបបំផុត ក្នុងរយៈពេលបីសប្តាហ៍ បន្ទាប់ពីលោក ត្រាំ លុបចោលការវាយប្រហារលើអ៊ីរ៉ង់
បរទេស៖ តម្លៃប្រេងបានធ្លាក់ចុះប្រហែល 7% មកត្រឹមកម្រិតទាបបំផុត ក្នុងរយៈពេលបីសប្តាហ៍នៅថ្ងៃចន្ទ បន្ទាប់ពីប្រធានាធិបតីអាមេរិក ដូណាល់ ត្រាំ បានពន្យារពេលការវាយប្រហារថ្មីលើអ៊ីរ៉ង់ ដោយសង្ឃឹមថា នឹងបញ្ចប់កិច្ចព្រមព្រៀង រហ័សមួយ ដែលអាចជំរុញការផ្គត់ផ្គង់ ប្រេងពីឈូងសមុទ្រ។
យោងតាមសារព័ត៌មាន រ៉យទ័រ ចេញផ្សាយនៅថ្ងៃទី៤ ខែសីហា ឆ្នាំ២០២៦ថា ប្រេងប្រភេទ Brent បានធ្លាក់ចុះ 6.35 ដុល្លារ ឬ 7.0% មកនៅត្រឹម 83.77 ដុល្លារក្នុងមួយបារ៉ែល ខណៈដែលប្រេងឆៅ West Texas Intermediate (WTI) របស់សហរដ្ឋអាមេរិកបានធ្លាក់ចុះ 4.33 ដុល្លារ ឬ 5.1% មកនៅត្រឹម 80.34 ដុល្លារ។
នោះគឺជាការបិទទាបបំផុតសម្រាប់ប្រេង Brent ចាប់តាំងពីថ្ងៃទី១៣ ខែកក្កដា ដោយសារតែផ្នែកខ្លះដោយសារតែការចាប់ផ្តើមកិច្ចសន្យាអនាគតខែតុលាដែលមានតម្លៃថោកជាងខែខាងមុខ បន្ទាប់ពីកិច្ចសន្យាសម្រាប់ខែកញ្ញាដែលមានតម្លៃថ្លៃជាងបានផុតកំណត់នៅថ្ងៃសុក្រ។ តម្លៃប្រេងឆៅ Brent សម្រាប់ខែតុលាបានធ្លាក់ចុះ 4.7% ។
អ៊ីរ៉ង់បាននិយាយនៅថ្ងៃចន្ទថា មិនមានការចរចា ជាមួយសហរដ្ឋអាមេរិកទេ ហើយមិនមានផែនការ សម្រាប់កិច្ចប្រជុំណាមួយឡើយ ដែលផ្ទុយ នឹងលោក Trump ដែលបានលើកឡើងពីការចរចា ដែលគាត់បាននិយាយថានឹងធ្វើឡើងនៅរសៀលនោះថា ជាហេតុផលសម្រាប់ការលុបចោលការវាយប្រហារ។
ប្រែសម្រួលៈ ណៃ តុលា
