ប្រព័ន្ធផ្សព្វផ្សាយ៖ ការចំណាយលើវិស័យ ការពារជាតិរបស់កោះតៃវ៉ាន់នឹងកើនឡើង ១៦% នៅឆ្នាំ២០២៧
បរទេស៖ ទីភ្នាក់ងារសារព័ត៌មាន កណ្តាលរបស់រដ្ឋ បានរាយការណ៍កាលពីថ្ងៃអាទិត្យថា គណៈរដ្ឋមន្ត្រីរបស់កោះតៃវ៉ាន់ នឹងស្នើឱ្យមានការកើនឡើងប្រចាំឆ្នាំ ១៦% នៃការចំណាយលើវិស័យការពារជាតិសម្រាប់ឆ្នាំ ២០២៧ ដែលនឹងលើសពី ១ ពាន់ពាន់លានដុល្លារតៃវ៉ាន់ (៣១ ពាន់លានដុល្លារ) ជាលើកដំបូង ខណៈដែលទីក្រុងតៃប៉ិកំពុងពង្រឹងយោធារបស់ខ្លួន។
យោងតាមសារព័ត៌មាន រ៉យទ័រ ចេញផ្សាយ នៅថ្ងៃទី១០ ខែសីហា ឆ្នាំ២០២៦ថា គម្រោងតម្លើងនេះនឹងកើតឡើង នៅពេលដែលប្រទេសចិន ដែលចាត់ទុកកោះតៃវ៉ាន់ ដែលគ្រប់គ្រងតាមបែបប្រជាធិបតេយ្យថាជាទឹកដីរបស់ខ្លួន បានបង្កើនសម្ពាធយោធា និងនយោបាយក្នុងរយៈពេលប៉ុន្មានឆ្នាំចុងក្រោយនេះ ដើម្បីអះអាងពីកាទាមទាររបស់ខ្លួន ដែលទីក្រុងតៃប៉ិបដិសេធយ៉ាងខ្លាំងក្លា។
ប៉ុន្តែកោះតៃវ៉ាន់ក៏ប្រឈមមុខនឹងការអំពាវនាវពីទីក្រុងវ៉ាស៊ីនតោនឱ្យចំណាយបន្ថែមលើវិស័យការពារជាតិរបស់ខ្លួន ដែលឆ្លុះបញ្ចាំងពីសម្ពាធពីសហរដ្ឋអាមេរិកលើអឺរ៉ុប ដែលជាអ្វីដែលប្រធានាធិបតីរបស់កោះតៃវ៉ាន់លោក ឡៃ ឈីងតេ បានទទួលយកដោយរីករាយ។
ទីភ្នាក់ងារសារព័ត៌មានកណ្តាលបានផ្សាយថា ថវិកាដែលបានស្នើឡើងជាង ១,១ ពាន់ពាន់លានដុល្លារតៃវ៉ាន់ ដែលនឹងត្រូវបានបង្ហាញនៅថ្ងៃទី ២០ ខែសីហា រួមមានមូលនិធិសម្រាប់ឆ្មាំសមុទ្រ អតីតយុទ្ធជន និងគម្រោងពិសេស ហើយនឹងលើសពី ៣% នៃផលិតផលក្នុងស្រុកសរុប ដូចឆ្នាំនេះដែរ ។
រដ្ឋាភិបាលកោះតៃវ៉ាន់ បានធ្វើឱ្យការធ្វើទំនើបកម្ម យោធាក្លាយជាវេទិកាគោល នយោបាយសំខាន់ ហើយបានសន្យាម្តងហើយម្តងទៀត ថានឹងចំណាយប្រាក់បន្ថែមទៀតលើការការពារជាតិ រួមទាំងការអភិវឌ្ឍនាវាមុជទឹក ផលិតនៅកោះតៃវ៉ាន់ ដោយសារតែការគំរាមកំហែងកាន់តែខ្លាំងឡើងពីប្រទេសចិន។
ប្រែសម្រួលៈ ណៃ តុលា
