លោក Trump ទាមទារសំណង ពីអ៊ីរ៉ង់បន្ទាប់ពីក្រុងតេហរ៉ង់ ប្រកាសទារសំណង ពីអាមេរិកដូចគ្នាដែរ
បរទេស៖យោងតាមការចេញ ផ្សាយរបស់ RT ប្រធានាធិបតីអាមេរិកលោក Donald Trump បានទាមទារសំណងពីប្រទេស អ៊ីរ៉ង់សម្រាប់ជនជាតិអាមេរិក និងអ្នកផ្សេងទៀតដែលគាត់និយាយថាត្រូវបានសម្លាប់ ឬរងរបួសដោយទីក្រុង Tehran និងសម្ព័ន្ធមិត្តរបស់ខ្លួន។
ការទាមទារនេះកើតឡើងបន្ទាប់ពីទីក្រុងតេហរ៉ង់ បានអំពាវនាវឱ្យក្រុងវ៉ាស៊ីនតោន ចំណាយលើការខូចខាតដែលបង្កឡើង ក្នុងអំឡុងសង្គ្រាមអាមេរិក-អ៊ីស្រាអែល ដែលបានចាប់ផ្ដើមប្រឆាំង
នឹងអ៊ីរ៉ង់កាលពីថ្ងៃទី២៨ខែកុម្ភៈ។ សំណងស្ថិតក្នុងចំណោមលក្ខខណ្ឌដែលអ៊ីរ៉ង់បានកំណត់សម្រាប់ការបើកច្រកសមុទ្រ Hormuz ឡើងវិញ រួមជាមួយនឹងការដកកងទ័ពអាមេរិកចេញពីតំបន់
ការដកទណ្ឌកម្ម និងការដោះលែងការបិទផ្លូវនាវាចរ។
លោក Trump បានឆ្លើយតបកាលពីថ្ងៃចន្ទ ដោយនិយាយថា សំណងមិនត្រូវបានពិភាក្សាពីមុនមកក្នុងការចរចាទេ ប៉ុន្តែថាឥឡូវនេះ គាត់បានណែនាំអ្នកតំណាង សហរដ្ឋអាមេរិកឱ្យបញ្ចូលវា
ទៅក្នុងកិច្ចចរចា នាពេលអនាគតទាំងអស់ ។
គាត់បានសរសេរនៅលើ Truth Social ថា៖ខ្ញុំក៏ទាមទារសំណងពីប្រទេសអ៊ីរ៉ង់ផងដែរ សម្រាប់មនុស្សទាំងអស់ដែលពួកគេបានសម្លាប់ និងរងរបួសយ៉ាងធ្ងន់ធ្ងរ ជាមួយនឹងគ្រាប់បែកនៅតាម
ដងផ្លូវ និងជម្លោះជាច្រើន។
លោក Trump បាននិយាយថា ការទូទាត់គួរ តែគ្របដណ្តប់លើទាហាន អាមេរិកដែលត្រូវបានសម្លាប់នៅក្នុងជម្លោះក្នុងតំបន់ ក្រុមគ្រួសារនៃបាតុករអ៊ីរ៉ង់ និងមនុស្សដែលរង ផលប៉ះពាល់ដោយសង្គ្រាម
នៅក្នុងប្រទេសលីបង់ ស៊ីរី យេម៉ែន និងតំបន់ហ្គាហ្សា៕
ប្រែសម្រួល៖ស៊ុនលី
