រយៈពេល ១២ម៉ោង រុស្ស៊ី បាញ់ទម្លាក់យន្តហោះគ្មាន មនុស្សបើកអ៊ុយក្រែន ២៥០ គ្រឿង
មូស្គូ៖ ក្រសួងការពារជាតិរុស្ស៊ី បានឧ្យដឹងថា ប្រព័ន្ធការពារដែនអាកាសរុស្ស៊ីបានស្ទាក់ចាប់ និងបំផ្លាញយន្តហោះគ្មាន មនុស្សបើកអ៊ុយក្រែនចំនួន ២៥០ គ្រឿងក្នុងរយៈពេល ១២ ម៉ោង។
ចាប់ពីម៉ោង ៨ ព្រឹកដល់ម៉ោង ៨ យប់ ម៉ោង នៅទីក្រុងមូស្គូ ប្រព័ន្ធការពារដែនអាកាសរុស្ស៊ី បានបាញ់ទម្លាក់យន្តហោះគ្មាន មនុស្សបើកអ៊ុយក្រែនចំនួន ២៥០ គ្រឿងនៅទូទាំងតំបន់ចំនួន ១៩ រួមទាំងទីក្រុងមូស្គូផងដែរ នេះបើយោងតាមសេចក្តីថ្លែងការណ៍មួយ ដែលចេញផ្សាយដោយក្រសួង។
លើសពីនេះ ចំនួនយន្តហោះគ្មានមនុស្ស បើកដែលហោះហើរឆ្ពោះទៅកាន់តំបន់មូស្គូ ក្នុងរយៈពេលមួយសប្តាហ៍ កន្លងមកនេះបានលើសពី ២៦០០ គ្រឿង លោក Sergey Sobyanin អភិបាលក្រុងមូស្គូបានឧ្យដឹងថា ដោយបន្ថែមថាភាគច្រើននៃពួកវាត្រូវបានបំផ្លាញ ដោយប្រព័ន្ធការពារដែន អាកាសនៅជាយក្រុងឆ្ងាយៗ។
លោកអភិបាលក្រុង បានកត់សម្គាល់ថា យន្តហោះគ្មានមនុស្សបើកចំនួន ៤៩៣ គ្រឿងត្រូវបានបំផ្លាញ ខណៈពេលកំពុងខិតជិតទីក្រុងមូស្គូ៕
ប្រែសម្រួល ឈូក បូរ៉ា
