អ៊ីរ៉ាក់ប្តេជ្ញាចិត្ត ចំពោះពេលវេលាកំណត់ សម្រាប់ការដកទ័ពអាមេរិក ទាំងស្រុងចេញពីប្រទេស
បរទេស៖ យោងតាមការចេញផ្សាយរបស់ RT បានឲ្យដឹងថា ប្រទេសអ៊ីរ៉ាក់ បានធ្វើការប្តេជ្ញាចិត្តក្នុងការដកទ័ព
អាមេរិកឲ្យបានទាំងស្រុង នៅចុងខែកញ្ញាខាងមុខនេះ ។
កងកម្លាំងសហរដ្ឋអាមេរិក បានស្ថិតនៅក្នុងប្រទេសនេះអស់រយៈពេល២៣ ឆ្នាំមកហើយចាប់តាំងពីការលុកលុយឆ្នាំ២០០៣
និងប្រតិបត្តិការខ្នាតតូចជាបន្តបន្ទាប់ប្រឆាំងនឹងរដ្ឋអ៊ីស្លាម IS ដែលពីមុនជា ISIS ។
ប្រភពដដែលបានដកស្រង់សម្តីមន្ត្រីជាន់ខ្ពស់ម្នាក់ របស់អ៊ីរ៉ាក់អំពី របាយការណ៍ដែលថា ទាហានអាមេរិក និងទាហានបរទេសផ្សេងទៀត អាចនៅបន្តបន្ទាប់ពីខែកញ្ញា ផ្ទុយទៅនឹងអ្វីដែលបានព្រមព្រៀងគ្នារវាងរដ្ឋាភិបាលអ៊ីរ៉ាក់មុន និងរដ្ឋបាលអាមេរិក ។
ការអត្ថាធិប្បាយបានធ្វើ តាមរបាយការណ៍របស់ប្រព័ន្ធផ្សព្វផ្សាយដែលបង្ហាញថា ក្រុងវ៉ាស៊ីនតោនកំពុងតែរៀបចំផែនការដកចេញជាជាងការដកចេញពេញលេញនៅចុងខែកញ្ញា។
សម្តីមន្ត្រីអាមេរិកអនាមិកម្នាក់បានអះអាងដែរថា៖នេះគឺជាការផ្លាស់ប្តូរបេសកកម្មយោធារបស់សម្ព័ន្ធទៅកាន់ភាពជាដៃគូសន្តិសុខទ្វេភាគី។
កាលពីដើមខែនេះ ការិយាល័យ របស់នាយករដ្ឋមន្ត្រីអ៊ីរ៉ាក់ Ali al-Zaidi បាននិយាយថា ថ្ងៃផុតកំណត់ សម្រាប់កិច្ចការងារនេះគឺ នៅថ្ងៃទី៣០ ខែកញ្ញា ។ វានឹងក្លាយជាកាលបរិច្ឆេទកំណត់ និងចុងក្រោយ សម្រាប់ការដកកងកម្លាំងចម្រុះអន្តរជាតិ ទាំងអស់ពីប្រទេសអ៊ីរ៉ាក់៕
ប្រែសម្រួល៖ស៊ុនលី
