ក្រុមហ៊ុនអ្នកផលិត រថយន្តធំបំផុត របស់អង់គ្លេសកាត់បន្ថយ បុគ្គលិករាប់ពាន់កន្លែង
បរទេស៖យោងតាមការចេញផ្សាយរបស់ RT ក្រុមហ៊ុន Jaguar Land Rover (JLR) បានបញ្ជាក់ពីផែនការកាត់ បន្ថយការងារ ខណៈដែលក្រុមហ៊ុនផលិតរថយន្តធំ ជាងគេរបស់ចក្រភពអង់គ្លេស ជួបការលំបាកជាមួយនឹងការកើនឡើងនៃថ្លៃដើម ការលក់ធ្លាក់ចុះ និងផលប៉ះពាល់នៃពន្ធគយរបស់សហរដ្ឋអាមេរិក។
យោងតាមតួលេខដែលបានដកស្រង់ដោយកាសែត The Times បានរាយការណ៍ថាមុខតំណែងរហូតដល់៤០០០កន្លែង អាចត្រូវបានលុបចោល។
ក្រុមហ៊ុន JLR បានប្រឈមមុខនឹងសម្ពាធកាន់តែខ្លាំងឡើងពីពន្ធគយរបស់សហរដ្ឋអាមេរិក ដែលបានធ្វើឱ្យរថយន្តដែលផលិត ដោយអង់គ្លេស របស់ខ្លួនមានតម្លៃថ្លៃជាងក្នុងការលក់ នៅសហរដ្ឋអាមេរិក បើទោះបីជាទីក្រុងឡុងដ៍ធានាបាននូវអត្រាការប្រាក់កាត់បន្ថយ ១០ភាគរយក៏ដោយ។
ផលប៉ះពាល់ត្រូវបានកត់សម្គាល់ជាពិសេសដោយសារតែអាមេរិកខាងជើងគឺជាទីផ្សារធំបំផុតរបស់ក្រុមហ៊ុន។ បញ្ហារបស់វាត្រូវបានផ្សំឡើងដោយការវាយ
ប្រហារតាមអ៊ីនធឺណិតដ៏ធំមួយកាលពីឆ្នាំមុនដែលបង្ខំឱ្យវាបញ្ឈប់ការផលិតអស់រយៈពេលជាច្រើនសប្តាហ៍។
គួរឲ្យដឹងដែរថាប្រាក់ចំណូលរបស់ JLR បានធ្លាក់ចុះជិត១០ភាគរយនៅក្នុងត្រីមាសដែលបញ្ចប់ក្នុងខែមិថុនា ខណៈដែលប្រាក់ចំណេញមុនការបង់ពន្ធ
បានធ្លាក់ចុះជាង ២ភាគ៣ទៅ ១០៩ លានផោន ឬប្រមាណជា១៤៧លានដុល្លារ។ យោងតាមកាសែត The Times នាយកប្រតិបត្តិ PB Balaji ស្ថិត
នៅក្រោមសម្ពាធពីម្ចាស់ក្រុមហ៊ុន JLR ជនជាតិឥណ្ឌា Tata Motors ដើម្បីកាត់បន្ថយការចំណាយនេះ។
នៅក្នុងសេចក្តីថ្លែងការណ៍ មួយទៅកាន់ប្រព័ន្ធផ្សព្វផ្សាយ JLR បាននិយាយថាក្រុមហ៊ុន ត្រូវតែសម្របខ្លួនទៅនឹងការវិវត្ត នៃលក្ខខណ្ឌទីផ្សារពិភពលោក ខណៈពេលដែលកំពុងស្វែងរក ការសន្សំប្រហែល១,៧ពាន់លានផោន ឬប្រមាណជា២,៣ពាន់លានដុល្លារ ក្នុងរយៈពេលពីរឆ្នាំខាងមុខ និងកាត់បន្ថយចំណុចចំណេញប្រចាំឆ្នាំរបស់ខ្លួនមកត្រឹម៣០ម៉ឺន គ្រឿងវិញ៕
ប្រែសម្រួល៖ស៊ុនលី
