រយៈពេល៨ខែ ឆ្នាំ២០២៦ វៀតណាមនាំចេញផ្លែទុរេន ទៅប្រទេសចិន បានប្រាក់ ១,៨៥ ពាន់លានដុល្លារ
បរទេស៖ អនុរដ្ឋមន្ត្រីក្រសួងកសិកម្ម និង បរិស្ថាន របស់ប្រទេសវៀតណាមបាននិយាយថា ក្រសួងកសិកម្មកំពុងបញ្ចប់នីតិវិធី ដែលនៅសល់ក្នុងកិច្ចខិតខំប្រឹងប្រែង ដើម្បីបង្កើនការនាំចេញផ្លែទុរេនដល់ ៣,៨៥ ពាន់លានដុល្លារអាមេរិកនៅឆ្នាំនេះ។
យោងតាមសារព័ត៌មាន VN Express ចេញផ្សាយកាលពីថ្ងៃទី៦ ខែកញ្ញា ឆ្នាំ២០២៦ លោក Dang Ngoc Diep អនុរដ្ឋមន្ត្រីក្រសួងកសិកម្ម និងបរិស្ថានវៀតណាម បាននិយាយនៅក្នុងសន្និសីទសារព័ត៌មានធម្មតារបស់រដ្ឋាភិបាលកាលពីថ្ងៃព្រហស្បតិ៍ថា ផ្លែទុរេនគឺជាផលិតផលកសិកម្មមួយក្នុងចំណោមផលិតផលកសិកម្មដែលមានតម្លៃខ្ពស់ មានផ្ទៃដីដាំដុះប្រហែល ២០០.០០០ ហិកតា និងទិន្នផលប្រហែល ២,០៨ លានតោន។ វាជាដំណាំសំខាន់មួយនៃវិស័យកសិកម្ម ដែលមានចំនួនប្រហែល ៤០% នៃចំណូលនាំចេញសរុបរបស់ខ្លួន។
ក្នុងរយៈពេល៨ខែ ឆ្នាំ២០២៦ ការនាំចេញផ្លែទុរេនត្រូវបានប៉ាន់ប្រមាណថាមានចំនួន ១,៩៥ ពាន់លានដុល្លារ ដែលក្នុងនោះការនាំចេញទៅកាន់ប្រទេសចិនតែម្នាក់ឯងមានចំនួន ១,៨៥ ពាន់លានដុល្លារ ឬ ៩៥%។
លោក Dang Ngoc Diep បន្តថា ដើម្បីឆ្លើយតបទៅនឹងការលំបាកនៃការនាំចេញផ្លែឈើ ក្រសួងកសិកម្ម និងបរិស្ថានបានបញ្ជូនគណៈប្រតិភូដែលដឹកនាំដោយអនុរដ្ឋមន្ត្រីទៅធ្វើការដោយផ្ទាល់ជាមួយមូលដ្ឋាន ជាពិសេសតំបន់ដាំដុះដែលមានទិន្នផលខ្ពស់នៅតំបន់ខ្ពង់រាបកណ្តាល តំបន់ភាគអាគ្នេយ៍ និងភាគនិរតី និងខេត្តដុងណៃ ដើម្បីលុបបំបាត់ឧបសគ្គ ។
ប្រែសម្រួលៈ ណៃ តុលា
