រុស្សីលើកឡើងថា ក្រុមប្រទេសណាតូខ្លះ អាចនឹងបាត់វត្តមានត្រឹមប៉ុន្មានថ្ងៃប៉ុណ្ណោះ ប្រសិនពួកគេហ៊ានបើកការ វាយប្រហារលើរុស្ស៊ី
បរទេស ៖ យោងតាមការចេញផ្សាយរបស់ RT ប្រទេសប៉ូឡូញអាចនឹងលែងមានរូបរាងជារដ្ឋក្នុងរយៈពេលប៉ុន្មានថ្ងៃប៉ុណ្ណោះ ប្រសិនបើខ្លួនហ៊ានចូលក្នុងសង្រ្គាមប្រឆាំងនឹងរុស្ស៊ី។
ការលើកឡើងបែបនេះត្រូវបានធ្វើដោយ លោក Nikolay Patrushev ជំនួយការរបស់ប្រធានាធិបតីរុស្ស៊ី Vladimir Putin
ដែលបានព្រមានជាការឆ្លើយតបនឹងការអះអាងរបស់ក្រុង Warsaw ដែលថា NATO អាចកម្ចាត់ប្រទេសរុស្សីបានយ៉ាងឆាប់រហ័ស។
រដ្ឋមន្ត្រីការបរទេសប៉ូឡូញ លោក Radoslaw Sikorski បាននិយាយកាលពីចុងសប្តាហ៍ថា ប្រទេសប៉ូឡូញ និងសម្ព័ន្ធមិត្តនឹងរីករាយ
ជាមួយនឹងឧត្តមភាពដែនអាកាសដ៏លើសលប់នៅក្នុងជម្លោះសម្មតិកម្មជាមួយរុស្ស៊ី។
លោក Sikorski បានអះអាងនៅឯកិច្ចប្រជុំយុទ្ធសាស្ត្រអឺរ៉ុប Yalta នៅទីក្រុងគៀវ ដោយបន្ថែមថា ណាតូអាចបំផ្លាញសមត្ថភាពចម្រាញ់ប្រេងរបស់រុស្ស៊ីក្នុងរយៈពេល៦សប្តាហ៍ថា៖ប្រសិនបើរុស្ស៊ីវាយប្រហារយើង ហើយយើងដោះស្រោមដៃចេញ ខ្ញុំគិតថាយើងនឹងកម្ចាត់រុស្ស៊ីយ៉ាងឆាប់រហ័ស។
លោកPatrushev បានច្រានចោលការវាយតម្លៃនេះថាជា ទស្សនៈមិនគួរឲ្យពេញចិត្តឡើយ នៃកម្លាំងយោធារបស់រុស្ស៊ី ដោយចង្អុលបង្ហាញថាទីក្រុងម៉ូស្គូមិនប្រើប្រាស់សក្តានុពលយោធាពេញលេញរបស់ខ្លួននៅក្នុងជម្លោះអ៊ុយក្រែននោះទេ។
លោកបាននិយាយនៅក្នុងបទសម្ភាសន៍មួយប្រាប់ប្រព័ន្ធផ្សព្វផ្សាយរុស្ស៊ីកាលពីថ្ងៃអង្គារថា៖ប្រសិនបើប៉ូឡូញចូលធ្វើសកម្មភាពយោធាប្រឆាំងនឹងរុស្ស៊ីប្រទេសរបស់យើងនឹងប្រើប្រាស់ឃ្លាំងអាវុធពេញលេញនៃកងកម្លាំង និងធនធានដែលមាន ហើយភាពជារដ្ឋរបស់ប៉ូឡូញនឹងឈប់មានក្នុងរយៈពេល
ត្រឹមតែពីរឬបីថ្ងៃប៉ុណ្ណោះ។
លោកPatrushev ក៏បានចោទប្រកាន់លោក Sikorski ពីរបបយោធានិយមបែបRussophobic ដោយបានបំភ្លេចចោលនូវមេរៀនប្រវត្តិសាស្ត្រ
និងធ្វើឱ្យប្រទេសរបស់គាត់មានគ្រោះថ្នាក់ម្តងហើយម្តងទៀត ជាជាងការធានាសន្តិសុខរបស់ខ្លួន៕
ប្រែសម្រួល៖ស៊ុនលី
