លោក Trump ធ្វើការប្រកាស អំពីកិច្ចព្រមព្រៀងយោធា ដ៏សំខាន់មួយ សម្រាប់ទឹកដីកោះ Greenland
បរទេស៖យោងតាមការចេញផ្សាយរបស់ RT ប្រធានាធិបតីអាមេរិក លោក Donald Trump បានប្រកាសថា សហរដ្ឋអាមេរិកគ្រោងនឹងពង្រីក វត្តមានយោធារបស់ ខ្លួនយ៉ាងសំខាន់នៅទឹកដី Greenland ក្រោមកិច្ចព្រមព្រៀងសន្តិសុខថ្មីមួយជាមួយប្រទេសដាណឺម៉ាក។
ថ្លែងនៅឯមហាសន្និបាតអង្គការ សហប្រជាជាតិនៅទីក្រុងញូវយ៉កកាលពីថ្ងៃអង្គារ លោក Trump បានបង្ហាញព័ត៌មានលម្អិត នៃកិច្ចព្រមព្រៀង ដែលនឹងត្រូវចុះហត្ថលេខា
ជាផ្លូវការបន្ទាប់ពីសុន្ទរកថា របស់លោក។
លោក Trump បាននិយាយថា៖យើងនឹងមានសមត្ថភាពពេញលេញដើម្បីធ្វើអ្វីដែលចាំបាច់ដើម្បីការពារទ្វីបអាមេរិក ក៏ដូចជាអឺរ៉ុប និងកន្លែងផ្សេងទៀត ។ គ្មានសត្រូវ
របស់សហរដ្ឋអាមេរិកនឹងមិនត្រូវបានអនុញ្ញាតឱ្យបង្កើតវត្តមានយោធានៅក្នុង Greenland ទៀតទេ ឬធ្វើការវិនិយោគនៅទីនោះដោយគ្មានការយល់ព្រមជាលាយលក្ខណ៍
អក្សររបស់យើងទេ។
គួរឲ្យដឹងដែរថាលោក Trump បានចុះហត្ថលេខាលើកិច្ចព្រមព្រៀងជាមួយនាយករដ្ឋមន្ត្រីដាណឺម៉ាក Mette Frederiksen និងនាយករដ្ឋមន្ត្រី Greenlandic លោក Jens-Frederik Nielsen នៅខាងក្រៅកិច្ចប្រជុំរបស់អង្គការ សហប្រជាជាតិ។
គួរឲ្យដឹងដែរថាការពង្រីកវត្តមាន របស់សហរដ្ឋអាមេរិកដែលបានគ្រោងទុក ត្រូវបានគេរំពឹងថានឹងរួមបញ្ចូល តំបន់Narsarsuaq នៅភាគខាងត្បូង Greenland ទីតាំងអតីតមូលដ្ឋានទ័ពអាកាស
Bluie West One របស់អាមេរិក និង Mestersvig នៅឆ្នេរសមុទ្រភាគខាងកើត ដែលជាប៉ុស្តិ៍យោធាដែលបច្ចុប្បន្នប្រើដោយ Sirius Dog Sled Patrol របស់ប្រទេសដាណឺម៉ាក នេះបើតាមការរាយការណ៍ពី Reuters ដោយដកស្រង់ពីមនុស្សដែលបានដឹងច្បាស់អំពីកិច្ចព្រមព្រៀងនេះ៕
