ការរំខានដល់សេវា Starlink កំពុងត្រូវបានជួបប្រទះ នៅតាមខ្សែត្រៀម ជួរមុខក្នុងប្រទេសអ៊ុយក្រែន
បរទេស: សម្រាប់អង្គភាពកាំភ្លើងធំមួយ ដែលកំពុងប្រយុទ្ធនៅភាគខាងកើត ប្រទេសអ៊ុយក្រែន ការសម្រេចចិត្ត របស់សហរដ្ឋអាមេរិកនៅសប្តាហ៍នេះ ក្នុងការកាត់បន្ថយសេវាកម្ម ដែលផ្តល់ដោយក្រុមហ៊ុនផ្កាយរណប Starlink ដល់យោធា បានបង្កផលប៉ះពាល់ភ្លាមៗ។
យោងតាមសារព័ត៌មាន រ៉យទ័រ ចេញផ្សាយ នៅថ្ងៃទី១៧ ខែតុលា ឆ្នាំ២០២៦ថា ការទំនាក់ទំនងជាមួយ ទីបញ្ជាការត្រូវបានរំខាន ហើយល្បឿន អ៊ីនធឺណិតក៏បានធ្លាក់ចុះ ដែលបង្កជាហានិភ័យនៅក្នុងសង្គ្រាម មួយដែលយន្តហោះដ្រូន (drones) គឺជាគ្រោះថ្នាក់ឥតឈប់ឈរ ហើយព័ត៌មានទាន់ហេតុការណ៍អំពីគោលដៅ និងការគំរាមកំហែងនានា អាចជាកត្តាកំណត់រវាងភាពរស់ និងស្លាប់។
លោក Ukrlan ដែលមាន អាយុ ២៨ ឆ្នាំ និងកំពុងបម្រើការ នៅក្នុងអង្គភាពកាំភ្លើងធំ នៃកងវរសេនាតូចប៉ូលិស កាំភ្លើងវែងពិសេស បាននិយាយថា៖ «ភ្លាមៗបន្ទាប់ពីមានការប្រកាសថា ការតភ្ជាប់ជាមួយ Starlink កំពុងតែចុះខ្សោយ គឺវាពិតជាបានបង្កផលប៉ះពាល់អវិជ្ជមានមែន»។
សូមជម្រាបថា យោងតាមមន្ត្រីនានា វិមានស (White House) បានចេញបញ្ជាឱ្យដាក់កម្រិតលើប្រព័ន្ធផ្កាយរណប Starshield របស់ក្រុមហ៊ុន SpaceX ដែលអ៊ុយក្រែនកំពុងប្រើប្រាស់សម្រាប់ការទំនាក់ទំនងនៅលើសមរភូមិ និងប្រតិបត្តិការយន្តហោះគ្មានមនុស្សបើក (ដ្រូន)។
ប្រែសម្រួល: ណៃ តុលា
