ភ្នំពេញ ៖ អាគារបេតុង កម្ពស់៦ជាន់ ដែលកំពុងសាងសង់ឡើងថ្មីខុសបច្ចេកទេស បណ្តាលឲ្យ ស្រុត ប្រេះ ស្ថិតនៅតាមផ្លូវអូរ២ ក្នុងសង្កាត់លេខ៤ ក្រុងព្រះសីហនុ នៅរសៀលថ្ងៃ ថ្ងៃ៥ ខែវិច្ឆិកា ឆ្នាំ២០១៩នេះ ។
មន្រ្តីជំនាញ និង លោក គួច ចំរើន អភិបាលខេត្តព្រះសីហនុ ចុះពិនិត្យដោយផ្ទាល់ដើម្បីមានវិធានការ ការពារហានិភយ័ក្រែងមានការបាក់រលំអគារនេះ ។ លោកអភិបាល លើកឡើងថា ជំហានដំបូង គឺការជន្លៀសចេញកម្មករសំណង់ ឬអ្នកនៅក្បែរអាគារនេះជាបណ្តោះអាសន្នសិន ដើម្បីទុកពេលអោយមន្ត្រីជំនាញដោះស្រាយ ។
បើតាមការពិនិត្យបឋម ពីផ្នែកបច្ចេកទេសសំណង់ បានសន្និដ្ឋានថា ការស្រុត ប្រេះនេះ ទំនងជាដោយសារខាងសាងសង់ ជីកកាយគ្រឹះនៅផ្នែកខាងក្រោយជ្រៅពេក ។
ទោះជាយ៉ាងនេះក្តី មន្ត្រីកំពុងកោះហៅម្ចាស់ សំណង់មកសាកសួរបន្ថែម ជាមួយនឹងការប្រកាសបិទ ផ្អាកការដ្ឋាន សំណង់នេះទាំងស្រុង ៕
