ភ្នំពេញ៖ ព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ថ្ងៃទី១ ត្រូវនឹងថ្ងៃទី១០ ខែវិច្ឆិកា ឆ្នាំ២០១៩ មានទូកចូលរួមប្រកួតចំនួន ២៩៧ទូក (ទូកអន្តរជាតិចំនួន ៩៧ទូក ស្រី ២ទូក) និងមានប្រជាពលរដ្ឋចូលរួមកម្សាន្តសប្បាយជាង ៥០ម៉ឺននាក់ ខណៈសន្តិសុខសណ្ដាប់ធ្នាប់ មានភាពល្អប្រសេីរ ។ នេះបេីយោងតាម អគ្គស្នងការដ្ឋាននគរបាលជាតិ ។
ពិនិត្យជារួមនៅ ថ្ងៃទី១នៃព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក សភាពការណ៍សន្តិសុខ សណ្តាប់ធ្នាប់មានភាពល្អប្រសើរ ដែលមានប្រពលរដ្ឋមកចូលរួមកម្សាន្តសប្បាយ ប្រមាណ ៥៥ម៉ឺន/៩០ម៉ឺននាក់ (ធៀបឆ្នាំ២០១៨) ។
ជាការកត់សម្គាល់ ៖
១-សភាពការណ៍បទល្មើសព្រហ្មទណ្ឌ ៖ លួច ១លើក (ទីតាំងចំណុះទូក) បាត់ម៉ូតូ ៣គ្រឿង។
២-សភាពការណ៍គ្រោះថ្នាក់ផ្សេងៗ កើតឡើងចំនួន ៦លើក ក្នុងនោះ៖ -លិចទូក ៤លើក ស្មើ ៤ទូក (A10), -កីឡាករខ្យល់គរ ២នាក់(A10) បញ្ជូនទៅសង្គ្រោះនៅមន្ទីរពេទ្យ ។
៣-លទ្ធផលអន្ដរាគមន៍ និងសង្គ្រោះ ៖
-បានជួយសង្គ្រោះពិនិត្យ និងព្យាបាលជម្ងឺ ៤.០៨៨នាក់ (ស្រី ១.០៤០នាក់) និងបញ្ជូនទៅ មន្ទីរពេទ្យដើម្បីសង្គ្រោះចំនួន ៩នាក់ (ប្រុស) ។
-នៅគោលដៅ A10 បានអន្ដរាគមន៍ជួយសង្គ្រោះទូកលិច ៤គ្រឿង និងកីឡាករ ៥៩នាក់។
-បានចុះផ្សព្វផ្សាយអប់រំស្ដីពី ការបង្ការ ទប់ស្កាត់ និងពន្លត់អគ្គិភ័យតាមបណ្តាយាន្តដ្ឋាន ផ្ទះសំណាក់ ផ្ទះជួល ភោជនីយដ្ឋាន ហាងលក់ខោអាវ… បានចំនួន ២៥៧កន្លែង និងចែកខិត្តប័ណ្ណ ជូនប្រជាពលរដ្ឋ អាជីវករចំនួន ៣២២សន្លឹក។ ដោយឡែក សភាពការណ៍ក្រៅតំបន់ប្រារព្ធពិធីបុណ្យ ពុំមានអ្វីគួរកត់សម្គាល់។
សូមបញ្ជាក់ថា នៅក្នុងឱកាសព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុកឆ្នាំនេះ អគ្គស្នងការដ្ឋាននគរបាលជាតិក្រសួងមហាផ្ទៃ បានត្រៀមកម្លាំងចម្រុះ ទាំងចំហរ និងសម្ងាត់ ជាងមួយម៉ឺនប្រាំពាន់នាក់ សម្រាប់ការពារសន្តិសុខ សណ្តាប់ធ្នាប់។
យ៉ាងណាក៏ដោយកម្លាំងទាំងអស់ តបានត្រៀមគ្រប់ពេលវេលា ដើម្បីចេញប្រតិបត្តិការអន្តរាគមន៍ឲ្យ ទាន់ពេលវេលាប្រកបដោយស្មារតីទទួលខុសត្រូវខ្ពស់ ដើម្បីជួយសង្គ្រោះដល់ប្រជាពលរដ្ឋនៅពេលដែលមានបញ្ហាកើតឡើងជាយថាហេតុ ៕
